|
واليا التلفت يمي وبالعين خزي***كنه يقول اذبح وانا اقول اتوبي ... مساجلة
مساجلة بين الشاعرين شبيب بن جعيلان ومرشد البذال ( رحمهما الله )
شبيب يقول :
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله من قلب ِ تمزا تمزي=مثل النفيض ليا قفاه الهبوبي
من حر مابي من حلا النوم افزي=اليا طرا لي بالمنام محبوبي
ياعنك مالي عن هواهم ملزي=كود انتخي باللي يقضون نوبي
ولاكل رجل ٍ باللوازم يفزي=الا مثل مرشد يبوج الدروبي
مرشد عجب عيني وذخري وعزي=وانصاه بالشدات وان ضيقوا بي
وان ماحصلي غاية الروح عزي=ياخوي ماترضالي اقد ثوبي
عندك خبر جرح الموده يجزي=قد ذقت حب مطربات العجوبي
اليا نطحني بالهدوم متوزي=ياخوي لو قلبي حصاه ليذوبي
واليا التلفت يمي وبالعين خزي=كنه يقول اذبح وانا اقول اتوبي
خده كما ضوح القمر مبرهزي=ولا كما برق ٍ كشف بالنصوبي
ياعود موز ٍ والهوى له يهزي=يسقيه شط ٍ من عذي الشروبي
والعين عين اللي ليا مس نزي=نزة جزع عقب الفياح معروبي
والعنق عنق اللي تذير وخزي=اوحى ولا ثبت شمال وجنوبي
خشف المها اللي ماضرا للمجزي=مايرتع الا في مهاوى الخبوبي
ان قيل وين الرز قلت انت رزي=وان قلت عنك اتوب فانا الكذوبي
الله على مزة شفاياك مزي=ياحلوها صفطان وانت مغصوبي[/poem]
مرشد البذال
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عديت راس النايف المقلحزي=عديت في راسه حتين الغروبي
عديت فيه وخاطري مستعزي=وحولت منه ولاعليه ذنوبي
جاني جواب هز الافكار هزي=قيل سليم من جميع العيوبي
اليا سمعته كن قلبي يجزي=قامت تململ من منامي جنوبي
قيل لعطشان المعاليق يزي=ويذكر الناسي هذيك السلوبي
ياعزتي لك ياشبيب ٍ وعزي=ان شيبوا بك مثل ماشيبوا بي
راحات قلبي يوم انا بالمنزي=واول عذابي حين ماطال ثوبي
تشكي علي وفي كلامك تلزي=وتقول مدهال الحبيب مهيوبي
ومن اول ٍ مالي عدو مجزي=واليوم غبران الوجيه فطنوا بي
متذكر ٍ شروى فريد ٍ يخزي=شاف المحوبي فالمدارق يحوبي
هذا جزا اللي في قبل متهزي=اللي شعوني بالهوى واسرفوا بي
واليوم غز وخل قلبك يغزي=من حربة مافي قناها كعوبي
دم واسمتع مني ولا تشمعزي=ماغير حظك في غيابك ينوبي
بالك ترجا رد علم ٍ يكزي= البيض قبلك عذبن الجنوبي
وان كان حظك صار ممشاه دزي=لو تجتهد بالحب مانت محبوبي
وان كان حظك ثار للنشر رزي=اصبحت غالب والحسود مغلوبي
وأدركت خلك والحسود متخزي=امناك جاك وعيدن القلوبي
وفرقت عن بيض ٍ ثمرهن منزي=حدر السقيفه والسناح محجوبي[/poem]
لكم فائق احترامي وتقديري !!
يقول صديقي الشاعر والاعلامي القدير نايف بندر:
الاثرياء بشوت وارقام وابراج =ورغباتهم مابين سري وعاجل
لاتستضيق ان عشت كادح ومحتاج=الفقر فالغالب. ضريبة مراجل
|