[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ادري وش المفروض وادري وشو الراي الوجيه = بس الجروح اقوى من المجروح ومن إرادته

ياصاحبي قفل على الموضوع انا ماني سفيه = اللي انت ماتدري به ان لكل صابر طاقته

وش حيلة اللي شافت عيونه ولا طالت يديه = الا يغض الطرف عن شي ٍ عيونه شافته

ترى الطمع غير الطموح ، الفرق لو تاقف عليه = تلقا اللي ماعنده طموح تضيق به قناعته

والفرق بين الواجب وبين الكرم عند النبيه = مثل فرق غياب نور الشمس عن مشراقته

الكرم مهو اذا قدمت لك شي ٍ تبيه = الكرم اني امد الشي وانا بحاجته

والصدق درب ٍ تعرفه نفس النزيه ابن النزيه = والكذب درب اللي الوسيله حللتها غايته

نخفي مشاعرنا وتفضحنا الملامح بالوجيه = والليل صار يحاسب عيون الجريح ان نامته

شفني صنعت من التعب راحة ضمير اعيش فيه = تتغير الدنيا ولكن المبادئ ثابته

وشف كيف طبعه يارفيقي صار بالدنيا شبيه = ماله امان وصورته ماتنعكس بمرايته

ومدام كلن راضي بعقله ومايملي عليه = اجل تراي مسامحه .. خلوه ياخذ راحته[/poem]

ماجد الحسن