بسم الله الرحمن الرحيم
اللهم انصر الاسلام والمسلمين

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
غزه شموخ وغير غزه مذله=غزه صمود وغير غزه ندامه
غزه دماء تشرف اللي تبله= وتسود وجيه الخزي والرخامه
اللي سفك دم الطفل واستحله=لا ماحسب لشعوبنا والزعامه
لو وزرها فاعناقنا مانحله=في ذمة اصحاب السمو والفخامه
احد يقول اموالنا مستغله=يطمح يبى يكسب نفوذ بكلامه
يزرع فتن في دولة"جارتله=ويدس راسه مثل راس النعامه
وهذا يخوّن من رداته وغله=متقلب الافكار والكذب إمامه
وهذاك قال القدس انا مخلصً له=لازم نولي عاصبين العمامه
ستين عام وقدسنا مستحله=مابه حلول وفاقدين الكرامه
حتى التقدم ماعرفنا ندله=وصرنا مثال وللتخلف علامه
نبكي على مجد النجوم المطله=خالد وعَمّر ومثل ابن زيد اسامه
والقدس تصرخ والعرب مسفهله=ويالله تغفر لي بيوم القيامه[/poem]