السلام عليكم


مواهبيه .. لتجديد العهد مع المواهب




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تعديت مرحلة البرستيج والأعجاب = ولاعاد نزوات أول العمر تغريني

من الشعر وأهل النقد والفكر والكتّاب = زهدت وسمحت وقلت ماعاد يعنيني

أغنيه من حبيّ لتصويره الجذّاب = ماأغنيه لجل إنّ الجماهير توحيني

ولا انقاد لغلاف المجله ولا الالقاب = مثل عالمٍ ماتعرف الزين والشيني

طموحاتهم صوره ماتخلا من الميكاب = وفلاشاتها تقدح من ايسار وايميني

وقصيده مافيها روح واشعورها كذاب = اهم شيّ مكتوبه على وزن قافيني

ياكثر الضياع وضيعة العقل من الاسباب = عسى الله في عقلي وعيني يقديني

لاصار الشعور العذب مايسرق الالباب = علي بالحرام اني فلا اقول بيتيني

تعبنا ودورات الليالي لها دولاب = وياكثر مافي خاطري من عناويني

ياصدّاحة الروض الخضر منك قلبي ذاب = تغنين طربانه وانا الله معنيني

مالاحيك من صدّه ولا من فراق احباب = لو انها على ذالنوع مالله بحاديني

الاحيك من صكّات الايام وانا شاب = تلكع بي اسنيني واشرّه على سنيني

وانا اعرابيٍ ماتجهله عادة الاعراب = لنا سلم واسلوم الرياجيل تحييني

علينا احقوق امن الموالين والاجناب = ولنا حقوق عند الاجنبي والمواليني

يموت الرجل ماصد من واجب الاشناب = طبيعه لو انه يردف الدين بالديني

يالولا العلا ماشرّف الحر فالمرقاب = ولا عانق افجوج السما بالجناحيني

عسى الله يجملنا معا طيب الانساب = بالاخلاق والماجوب من مدّة ايديني

وانا رجل يحسب لي وللرجل احسب احساب = ولا الد عيني فالخبوش الخباليني

ولاني بدوّر من ورى زلّة الاصحاب = اطوّف خطى الغالي على شان غاليني

ولاني على خطلان الايدي من الانشاب = ابش الجناب وعزّة النفس تكفيني

ولاشفت ما أكره قمت قومة أسود الغاب = طرقت الفجوج وقلت يانفس شليني

تربيت وانا ذيب متسلسل امن اذياب = وعسى الله يطول عمر عودٍ مربيني

على الطيب والطولات والنعم والاداب = والامجاد والهقوات والحلم والديني

هذي طولة الرجّال يابارد الاعصاب = ماهي صورة وتلميع صحف ودواويني

مايخطي اخصال الطيب ويحطّها مجناب = ياكون البليد الليّ مادينه على ديني [/poem]