[align=center]مرثيه في الفقيد / مشاري بن صويلح الدلبحي أحد منسوبي الدفاع المدني والذي توفي يوم الإثنين الموافق24/12/1429هـ وهو يؤدي واجبه في مهمة إنقاذ مصابين محتجزين في سيارتهم بسبب حادث مروري رحم الله الجميع بواسع رحمته ....[/align]


[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على نهاية عام تسعه وعشرين= من قبل شهر الحج يعلن ختامه

سجل مشاري للبطوله عناوين =حتى اصبح اسمه في سجل الشهامه

في واجبه بالعزم داس الميادين =ويشهد على مااقول يوم استلامه

راح الشجاع بن الوطن يوم الاثنين =يوم ٍ فضيل وموت عز وكرامه

من فضل ربي مات يسعف مصابين =بدر ٍ كسوفه صار ليلة تمامه

هذا العزا.. والا ترى الخلق فانين = والعمر زرع ، ومقتفيه انصرامه

والعبد لا من مات فالموقف الزين =يبعث على مامات يوم القيامه


والعمر واحد.. بس بالذكر عمرين =من راح تبقى سمعته واحترامه


اموات لا زالوا مع الناس حيين =وحيين ماتوا بالردى والندامه


يالله يامنشي بن آدم من الطين =والكون بامرك سايرٍ في نظامه

أسكن مشاري بين روض وبساتين=وعن لاهب النيران حرم عظامه

واكتب له الفردوس بين النبيين= في منزل ٍ عندك رفيع ٍ مقامه

وافرغ علينا الصبر يارب.. وتعين= شيخ ٍ تكدر مهتنى في منامه

الشيخ ابوخالد عسى عمره سنين =طول بعمره بالسعد والسلامه

والوالده ، وقلوب ناس محبين =أصحاب واجناب وخوال وعمامه

واخوانه اللي فالمهمات وافين=كلن بدى للحزن فوقه غمامه

ويالله ياللي تكشف العسر باللين = ليل الحزن يارب تجلي ظلامه

واللي رحل عن دارنا يوم الاثنين=يالله عساه بدار عز وكرامه[/poem]