النيره

[align=center]الشرايـد تزدحـم والفكـر صافـي
ما بقى لي غير ترويـض الصعيبـه
الهـزل يظهـر وتسفيـه السوافـي
والجزل يبـدا شبابـه مـن مشيبـه
والأدب وافي وانـا رجـال وافـي
يعتني بي كل ما قمـت اعتنـي بـه
تمشـي الايّـام وتبيـن الخـوافـي
ما لأحد صدّه عن امواجـه نصيبـه
لي زمان اغفى وانا مانيـب غافـي
وابعـد الهقـوات وتعـوّد قريـبـه
الصدور تشـاف والا مـا تشافـي
الحلـوق اترجـم النفـس المريبـه
ان وقفت أسرفت وان طحت امتعافي
ما حسبت حسـاب للذيـب وقنيبـه
فالـدروب وفالـبـلاد وفالفيـافـي
مبصر وعميان ربعـه تقتـدي بـه
الرجل لا صار يسمـع كـل هافـي
راحـت الدنيـا ولا عيّـن صحيبـه
والردا ثوبٍ لجسم الـلاش ضافـي
والمكارم للرجـل حشمـه وهيبـه
أحترمت اسمي قبل طرقـي وقافـي
تربية من كـل ربعـه تعتـزي بـه
من مشى مع شلّة الحافين . حافـي
لو يمجّد لي علومه ويش ابـي بـه
ما يسوق الضيق للصـدر المجافـي
غير من يستضعف اللـي زاد طيبـه
الأكيد اني ما احب انظـر خلافـي
والغريب ان اغلـب العالـم غريبـه
يالسنافي خـلّ صاحبـك السنافـي
لا تـرد العلـم فيـه ولا تجيـبـه
ذمّة الطيّب من الناقص .! عوافـي
وذمّة الطيّب مـن الطيّـب مصيبـه





المبدع \\ ناصر مناحي

صح لسانك لين ترضى

دمت متميّز[/align]