يا دارنـا لـو قرايحنـا تفيـض وتجـود
شعورنا مـا وصـل واشعارنـا قصـرت
لكن منك السموحـه لا طمـرت الحـدود
بالبال حاجه سرا فكري وهي مـا سـرت
يااهل القمم والذمم ما عاد نبغـي وعـود
شجرة وعدكم ورقهـا طـاح ولا اثمـرت
ويا ناثر الدمع كف الدمـع مافيـه فـود
لو كان ابه شمس يمديها من امس اظهرت
ويا قدسنا لو على راسك تحـن الرعـود
عقولنـا غافـلـه وقلوبـنـا مــادرت
كنا عرب نبنـي الامجـاد نرقـا سنـود
واليوم الامـال ماتـت والعـزوم افتـرت
كنا عرب نشتـري دون العقيـده لحـود
واليوم نجفـل مـن البنـدق ليـا ثـورت
كنا عـرب كـل مـا زادو علينـا نـزود
واليوم كل الامم فـي خوفنـا استبشـرت
كنا عرب وارثعـوا فينـا عيـال اليهـود
وطو على راس هيبتنـا ياليـن اصغـرت
وجيهنـا زاهبـه لكـن للطـم الـخـدود
وكبودنا ضاميـه وجروحنـا مـا بـرت
يابوش تضحك لتوني بلير وتقول (good)
اي بالله انك نجحت وخطتك مـا اخسـرت
لو العـدد ينفـع الدولـه لكـان الهنـود
قد اعمرت دارهـم بالخيـر واستعمـرت
يا قدسنا لـو قرايحنـا تفيـض وتجـود
شعورنـا مـا وصـل وافعالنـا قصـرت
الله الله الله الله الله
ياسلااااااااااااام علييييك
حمود العازمي
صح لسانك وبيض الله وجهك
جززل ومبدع ولا قلت إلا الصحيح
اعجابي اللامحدود ومتابعتي
تحياتي وتقديري
|