|
غزة ايضا
السلام عليكم ورحمة الله وبركاته
الحقيقة الاخوان ماقصروا ولا خلوا لنا شي نقوله في العدوان على غزة
لكن هذه مشاركة متاخرة مناصرة لاخواننا في غزة ولو بالكلمة اللي لا تقدم ولا تؤخر
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون خير القول لا قيل قل ودل = وانا لو مقالي قل ما قل مدلوله
سمعنا الخطب والشعر لين ان كل ٍ مل = ولا فيه من تشهد فعوله على قوله
لك الله ياغزة تعالى العزيز وجل = لك الله ملجا من لجوا له وصلوا له
لك الله يوم ان اليهودي بوجهك سل = سلاحه ووجه طايراته مع اسطوله
صمدتي بوجه المعتدي يوم كل ٍ ذل = وجالك مع الامجاد صولة ورا صولة
الا ياشريدة مجدنا الغابر اللي زل = الا يابقايا ريحة العز والطولة
والا ياسحاب ٍ وابله بالكرامة هل = على عالم ٍ من ذلنا زادت محوله
وياوجه ما ضي عزة ٍ بعد غيبة طل = على واقع ٍ تاهت عن الشيمة رجوله
شظايا القنابل في فضاءك ورود وفل = وبازكى الدمي ارضك من العار مغسولة
صمودك مع الايام شل المعادي شل = لكن اصبري والصبر تجنين محصوله
ولا يزعجك من طاوع اهل الضلال وضل= مخابيه مفتوحه والابواب مقفولة
ولا من شجب بعد القهر سل حالك سل= مثل من عقب برد العقارب بزربوله
ولا تنتخين ابنا على اللي بشعبك حل = صواميل نخوتنا من الخوف محلولة
ولا في رصيد احساسنا غير ضعف وذل= ولو في رصيد حسابنا مال واسيولة
ولو نسكن قصور ونعيش بحرير وزل = ترى العار تسكنا مطاياه ونزوله
وما دامنا مليار ما قد بردنا غل = وخمسين دولة ريختها ربع دولة
وراس الخنا له ناس تتبعه تبعة ظل = وفي كل دار ٍ رز للذيب مخيوله
وعلى قولنا مادام ما فيه فعل ٍ دل = ولا فيه من تشهد فعوله على قوله
نبا نترك الموضوع يمكن يجي له حل = بيد جيل تشهد له على قوله فعوله[/poem]
بعد تنثر الذكرى على سكة النسيان = تقول ابتعد وانسى وانا اقول كيف انسى
وانا لا ذكرت ايامنا والغلا اللي كان = اشوف الفراق امواج وعيونك المرسى
دخيلك تعال وبدد بقربك الحرمان = وعلى قلبي اللي مابه..الا انت.. لا تقسى
mf7010@hotmail.com
|