منتديات المرقاب الأدبية - عرض مشاركة واحدة

02-01-2009, 04:14 PM

بلاش نجامل أوضاع العرب يـا معشـر الشعّـار
على الشاعر قبل يرضي الذوائق .. يرضي شعوره
خصوصاً لا وصل دور الشعر للدار وأهـل الـدار
لا مات الحـق بيمـوت القصيـد وينتهـي دوره
وأنا ما جيت أدوّر صفقـة الجمهـور والحضّـار
أنا جيت ألقي إحساس العرب بالصوت والصـوره
أنا رجلٍ إعرابي موقفـه بـارد .. ودمّـه حـار
يبي .. لكن إلحاله كيـف يقـدر يعلـن الثـوره
تعب من كثر مـا يفـرك يـده ويتابـع الأخبـار
ونفسه تحـت حكـم الغبـن منهيّـه ومامـوره
يا غزّه ما حصل غير الشقا والضعف والإصـرار
على عيش الكبود اللي تحـب العـز .. ممـروره
قبل كنتي تضدّيـن الجيـوش الطاحنـه بأحجـار
تعيشين الأمـل لـو مجمـل الآمـال مكسـوره
قبل صبحك جثث مـا تقبـل الذلّـه وليلـك نـار
رغم هذا بيوتك مـن فخـر ماهيـب مهجـوره
يشيل إسمك إرجالن مـا تـدوّر للهروب أعـذار
تحاول تستر العوره .. ولكـن مـا بقـى عـوره
عقب شقّوا عباتك وإنكشف سترك مـن الكفّـار
وواسوك العـرب والمسلميـن بقـول ماجـوره
بعد طاح الفخر من روس حكّام العـرب وإنهـار
وش نسـوّي لـو تموتيـن مذلولـه ومقهـوره
لو إني منـك قلـت لحضـرة الحكّـام والتجّـار
خذوا كل التبرّع والزمـن بأصبـر علـى جـوره
انا مهما حصل لي مـا أقبـل ألا مـدّة الأحـرار
وإذا ما عاد فيه أحـرار .. بـإذن الله منصـوره
مقادير الليالي وش تبين ووش بعـد مـا صـار
وقلـوب المسلميـن لذلّهـا طربَـه ومسـروره
كذا صـارت بطـولات العروبـه والزمـن دوّار
مصايب ,, والمصايب لو تجي وتروح مشكـوره
يا ربّي وقفتك منهـا الجبـال الشامخـه تنهـار
تورّينا نصـر يبـري الجـروح ويستـر العـوره

الله الله الله الله
صح لسانك يا بدر مليون × مليووون
تشرفت بسماع هذه الدره .. و هنا أدون الإعجاب اللامنقطع بها
لله درك
لله درك

أخوك/محمـــد ال عبـــدان