فهد القحطاني

،


[ [mark=000099]محاورة قديمة [/mark]]


لـتغير الجو .. أول طاروق نتّي ألعبه ..
يوم كنت ما أعرف ( انتر ) من ( مسافه ) .. !




- الشعراء .. أنا وشارب الفناجيل .



شارب الفناجيل

مرحبا ترحيبةٍ من وراء الفكـره تويـق
تستحي لا شافت الناس وتخاف العيـون
لي ثلاث أيام لا نمت من نومـي أفيـق
ضاعت أحلامي وظنيت وأخطيت الظنون




the my


البقى من هاجـسٍ للمعانـي مستفيـق
فوق هقوات المعاني يجي ماهوب دون
شارب الفنجال إحذر مفاجـأة الطريـق
واعطنا موجز عن أفكار فكرك لا تهون



شارب الفناجيل


ابك انا مثلك جديد(ن) على هذا الفريق
محترف لكن ماني على النادي امون
انت تدري لويهيج البحر تصبح غريق
البحر ياكل ولو كان ماعنـده سنـون



محاتسيكم

نادي الشعار يا صاحبي نادي عريق
بس ليه صفوفنا ما يشيلون اللحـون
فيه بحر ايهيج لكن ما يملى بريـق
ابك لا خوفٍ عليهم ولا هم يحزنون



شارب الفناجيل


كان فالنادي تغنـي علـى لحـن(ن) يليـق
صرت عضو(ن) معترف به وهم لك يسمعون
ويش رايك ياصديقي تجـي أغلـى صديـق
وإن طعنـي وقتنـا قلتـلـك رد الطـعـون



أنا

من لساني خذ فصاحة وصدري ما يضيق
أدهش القـرّاء وابعجـب اللـي يكتبـون
لا تجي في الشاطي اضربنا البحر العميق
لا يهمك كان من كـان ولا وش يكـون



شارب الفناجيل

ضفدعة فكرك تلالي وتسجع بالنقيـق
مير حوت الفكر عندي يغني باللحـون
ابك أنا مثل الملك والشعر عبد(ن) رقيق
وإن أمرته طاعني قال : سم وش تبون




محاتسيكم

الجماعة يعرفون الزئير من النعيـق
وأنت فكرك..ناتج متابعتك اسبيستون
يا صفوف أنتم تبونه قلي ولا سليـق
ودي أمزمز وعارف تبون تمزمزون



شارب الفناجل

الله يسامحـك خليتهـا نـار وحريـق
أبك أنا مسكين وامزح مع اللي يمزحون
أرحموا ني ياعرب والله إني ما أطيـق
ما أطيق السخريه والاوادم يسخـرون


فقلت


حرب خدعه ما بها ذا يلقيق وما يليق
ودكم ترضون ولا عساكـم تزعلـون
فارس الميدان قلبه صخر ماهو رقيق
فوق خيله يفصل الراس من حد المتون




________ the end ________

،

سبحان الله وبحمده
سبحان الله العظيم


.