سهو الكرشمي

[align=center]وعليكم السلام ورحمة الله وبركاته[/align]







[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بلاش نجامل أوضاع العرب يـا معشـر الشعّـار=على الشاعر قبل يرضي الذوائق .. يرضي شعوره
خصوصاً لا وصل دور الشعر للدار وأهـل الـدار=لا مات الحـق بيمـوت القصيـد وينتهـي دوره
وأنا ما جيت أدوّر صفقـة الجمهـور والحضّـار=أنا جيت ألقي إحساس العرب بالصوت والصـوره
أنا رجلٍ إعرابي موقفـه بـارد .. ودمّـه حـار=يبي .. لكن إلحاله كيـف يقـدر يعلـن الثـوره
تعب من كثر مـا يفـرك يـده ويتابـع الأخبـار=ونفسه تحـت حكـم الغبـن منهيّـه ومامـوره
يا غزّه ما حصل غير الشقا والضعف والإصـرار=على عيش الكبود اللي تحـب العـز .. ممـروره
قبل كنتي تضدّيـن الجيـوش الطاحنـه بأحجـار=تعيشين الأمـل لـو مجمـل الآمـال مكسـوره
قبل صبحك جثث مـا تقبـل الذلّـه وليلـك نـار=رغم هذا بيوتك مـن فخـر ماهيـب مهجـوره
يشيل إسمك إرجالن مـا تـدوّر للهروب أعـذار=تحاول تستر العوره .. ولكـن مـا بقـى عـوره
عقب شقّوا عباتك وإنكشف سترك مـن الكفّـار=وواسوك العـرب والمسلميـن بقـول ماجـوره
بعد طاح الفخر من روس حكّام العـرب وإنهـار=وش نسـوّي لـو تموتيـن مذلولـه ومقهـوره
لو إني منـك قلـت لحضـرة الحكّـام والتجّـار=خذوا كل التبرّع والزمـن بأصبـر علـى جـوره
انا مهما حصل لي مـا أقبـل ألا مـدّة الأحـرار=وإذا ما عاد فيه أحـرار .. بـإذن الله منصـوره
مقادير الليالي وش تبين ووش بعـد مـا صـار=وقلـوب المسلميـن لذلّهـا طربَـه ومسـروره
كذا صـارت بطـولات العروبـه والزمـن دوّار=مصايب ,, والمصايب لو تجي وتروح مشكـوره
يا ربّي وقفتك منهـا الجبـال الشامخـه تنهـار=تورّينا نصـر يبـري الجـروح ويستـر العـوره
[/poem]




[align=center]المبدع بدر صح لسانك صح لسانك كايف ولا تجيب الا كااايف [/align]