يـا ذو الجـلال منـزّل القرآنـي
انـت الإلـه .. ولا إلـه ثـانـي
يا باسطٍ ارضك ومعلـي عرشـك
ويا مفضّل المسلم على النصرانـي
انا الضعيف اللي سجد لك .. وجهه
يخشى العذاب ويطلـب الغفرانـي
سبحـانـك اللهم إنــي تـائـب
من زلة اقدامـي ونطـق لسانـي
يا وجد حالي من تِـردّي الحالـه
كلي حـزن وادنـات مـا بكانـي
احس في صـدري لهيـب وتكـه
وهزة ضمير تهـز كـل اركانـي
ما فيه موتٍ مثـل مـوت الفجـأه
حتى لو ان عمر البنادم .. فانـي
كم واحدٍ يضحك وهو مـا يـدري
انـه مُديـن وخلـفـه الديـانـي
امـا تقـفّـاه وخــذاه بثـوبـه
والا عطاه الوجه .. فـي ثوانـي
يا فيصل العيـه رحمـك المولـى
حزني عليك .. اماتنـي واحيانـي
الله ما اقوى صدمتي فـي موتـك
تقول كنـك واحـد مـن اخوانـي
الطيـب واجـد والمزايـا عــده
وسيرتك هيّ شهودي .. وبرهاني
متعملـقٍ .. شخصيّـاً وشعريّـاً
وشموخ لا يِخفـى .. ولا يخفانـي
الله يأمّـن روعتـك فـي قبـرك
ويجب عزانا كلنـا .. مـن دانـي
ارثيك .. ماهو لجل اسجل موقـف
حزنٍ جديد .. وصار ضمن احزاني!
الله الله الله الله
لا والله ماهوب شعور بسيط
ولاهوب شعر بسيط .. أبدا
الرمز / خالد الحصيّن
الله يبيض وجهك وصح لسانك عدد حروفها
رثيت من يستحق الرثاء نسأل الله العلي العظيم ان يرحم عبده الشاعر الكبير / فيصل الرياحي
وان يجزيك عن هذا البدع الفارق الخير الكثير
واسمح لي مكانها هنا يابوفيصل ،
..
|