المشاركة الأصلية كتبت بواسطة بدر ناصر المورقي
مرحبا يامطر ملايين
جدي عسير رحمة الله عليه مافيه احد مثله الا عسير
لكن ابشرك اني
انا بدر طيـر الحـرار المهاجـر
نادر علـى روس الشواهيـق داره
حر ان كفخ يفـج جـوّه خناجـر
يسبـق هـواه وللعوالـي مسـاره
وارق قلبي من دمـوع المحاجـر
على الضعيف اللي تزايـد دمـاره
واقسى على النمرود من قلب فاجر
وفى حلوق ظـلام الاوادم مـراره
ومعروف طبعي ما احب المناجـر
مـادام فرسـان الفعـل مستثـاره
وفي قلبي اسباع الشجاعه تزاجـر
وبالراس طنخـه وايتقـادح نعـاره
وسلمت ودمت يالغالي
ونعم والله يابوناصر
وبرك ساعه اني عرفت شي بسيط عن شخصيتك
من عرض هذه الابيات
الله يطيل في عمرك على طاعته ويجعلك بار في جدك بعد وفاته
ومثل مايقال الشبل من ذاك الاسد
تقبل سلامي