محمد ابن راشد البقمي
ياحيا الله الزميل,الأخو,الشاعر, المُبدع
لاوالله .. الا غاب عن قبة الليـل
نجم البقوم اللـي رفيـع ٍ مكانـه
نجم طلع مع مطلع الجدي وسهيل
حتى إعتلا .. في قمة المجد شانه
فيصل ولد منصور عذب التماثيل
طلق الحجاج اللي طليق ٍ لسانـه
حر ٍ شهر بين الحرار المشاكيـل
نار ٍ على قمة علم فـي زمانـه
من لابة ٍ في كل موقف حلاحيل
تفوقـوا .. بالمرجلـه والذهانـه
مثله نعزي فيـه كـل الرياجيـل
أهل الوفا وأهل الشرف والامانه
ومثله علاه الدمع يذرف هماليـل
عبرة حزن .. ماهيب عبرة مهانه
كبر المصيبة ينهك العزم والحيل
الله يجيب الصبر .. والاستعانـه
ولانقول الا مـن الحـق ماقيـل
مابه على الدنيا .. قرار وضمانه
والله ماننساه جيـل ٍ بعـد جيـل
الشاعر القـرم الشجيـع التكانـه
كل ٍ شهد له بالوفا موفي الكيـل
والطيب والطاله وحسن الديانـه
خلد بشعره للمواقـف تفاصيـل
جزل المعاني مع فصاحة بيانـه
والذكر خالد فالسنيـن المقابيـل
يامال جنة خلد .. واعلى جنانـه
واما بدر والله مايشكي غرابيـل
وحنا بني عمه .. وحنا اخوانـه
الله يرحمه ويبيح منا ومنه وينزله منازل الصالحين ...آمين
صح لسانك يابو راشد .. وانا اشهد إنك حكمتها وقلت وابدعت وبيّض الله وجهك
وعظّم الله اجركم واحسن عزاكم وعوّظكم خير في مصابكم, ومصابنا الجلل
تقبّل تحياتىىىىىى
|