المشاركة الأصلية كتبت بواسطة عبدالله بن علي
[align=center]حلمي (وكرسيَي) وأنا نـد الأيـام
الحظ عاثر لاكن الفعـل مطلـوب
ماهو مهم اني أوقَف علـى أقـدام
بس المهم أني على الدار محسـوب
ان كان عوقي (فالقدم) ماتبي إلهـام
إصراري..وفكري وكفَي بنوا طوب
نطرق صعيبات المهمـات وزحـام
ونصارع التيَار من شرق لغـروب
والله وهبنا اصرار وعزوم وحـزام
ومن ربنا عونه فلا زاره خطـوب
قولوا (معاق)وعايش ٍ وسط الأحلام
هذا قدر من ربنـا مابهـا هـروب
ترى الإعاقه صنفوها على أحجام!!
بس البلا صاحي وله فكر منكـوب
جسمه سليم وعقل صاحي وإلى قام
مايقطع الفرجـه ولاينهـي دروب
مقبول ماجا من إلهي مـن أحكـام
(عل وعسى خيره وبه خير مكتوب)
وإلا البلا من يستتر خلـف هنـدام
سويَ عقل ودنَق الـراس لذنـوب
ماقدَر النعمه سرى خلف الأوهـام
أمره بيـدَه ليتـه يقـال مغصـوب
لانافـع ٍ داره ولا سـر الإســلام
ويمنَي إيمانه بعد عـام بيتـوب !!
العوق ماهو فالجسم!! قلتهـا ختـام
العوق صاحي يملكه فكر معطـوب
صح لساااانك×صح لسااااانك
وبيّض الله وجهك
لفته حانيه بروح الشاعر
الذي يلامس هموم مجتمعه
شكراً
ياناصر ..
ودمت بخير
وفي رعاية الله ....
**********[/align]
ارحب يا عبدالله
صح بدنك ووجهك ابيض
حياك الله ولاهنت على مرورك المشرف
ولاعدمنا التواجد وراعيه
تحية اخوك