|
"الحريقه" مصافحه اولى
الاعزاء في منتديات المرقاب
مصافحه اولى اتمنى لها القبول بينكم
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بين الضلوع الحدب شبت حريقـه=حريقةٍ ماهيـب بمثـل الحرايـق
لو انها ابطت في حشايـا دقيقـه=انهت حياتي والرجا فـي دقايـق
تعبـت ادوٌر بالطرايـق طريقـه=واحتار فكري في جميع الطرايـق
من جور وقتي شلت حملٍ مااطيقه=خدعت نفسي ،، قلت للحمل طايق
اضحك مع العالم وبالصدر ضيقه=ماغير اجامل كن مانيـب ضايـق
البارح وكلن يسامـر عشيقـه=عديت في ضلعٍ منيـفٍ موايـق
اللًه واكبر كل ما اضقـت اويقـه=اصير رايـق لـو مانيـب رايـق
اكشف عن اسرارٍ بصدري عميقه=مايعلم ابهـا غيـر رب الخلايـق
سجيت افكـر بالسلـوم العريقـه=عقب اصبحت مثل النشب والعوايق
وين الصديق اللي يقف مع صديقه=لا اصبح صديقه فالزمان امتضايق
ووين الرفيق اللي يساند رفيقـه=لا احتاج له في وقفته جاه وايـق
هذا الزمن حتى الشقيق وشقيقـه=متخالفين الراي والفـرق فايـق
مشاعر الاصحاب صارت رقيقـه=كلن على الثاني يعكس الوثايـق
ومايغبن الرجال غيـر الحقيقـه=لا حرفوهـا امحرفيـن الحقايـق
قلته وانا في جوف صدري حريقه=اللٌـه يستـر لاتزيـد الحرايـق
حريقة البارح لـو ابطـت دقيقـه=انهت حياتي والرجا فـي دقايـق [/poem]
الشعر ماتخفى عليه ركايزه = شاعر ولو ما اخذت بالشعر جايزه
والشعر ياجمهور ماهو مسابقه = وشعار مهزومه وشعار فايزه
يقول زيد الحثل باحدى قصايده = مشي القطر وسط الطريق امتجايزه
واقول انا مثله بعد في مثايله = تقرا الصور بالعكس ويقال جايزه
هذا زمن يغلب على الجد مزحته = يمكن يهد الضلع من جاه هايزه
|