مرزوق الروقي

,







[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جيتك على درب الرجا فاتر الحيل = بسمتّك قدامي .. وموتي خلافي
سريت في دربك بقطعً من الليل = نحو الربيع الباسم احمل جفافي
أقبلت احط من المعاذير واشيل = مره تجي وافي ومرات جافي
وأقول وافي لو قطعت المواصيل = لو درب وصلـك دافنته السوافي
قلبك اعرفه عايلً مابعد عيل = لو كان بعض أحيان مرهف ودافي
حبك تملـكني وذوقني الويل = ناشدك بالله من لظى الويل كاافي
فيني جرى نهر الهوى جريت السيل = و أنا أنقلك من غبّتي لا ضفافي
يا اجمل ثمر يجنى ما بين المحاصيل = لولاك محصول المحبه .. عجافي
ودي بشوفك ليل يا فتنة الجيل = والليل ضافي وأنت بالزين ضافي
تحت القمر نجلس سوى مثل ما قيل = واحكي معك .. واصارحك بالخوافي
وادللـك وأنته تجيني بتدليل = ونذوق ينبوع الهوى عذب صافي
قل تم .. وأنس القلب جور الغرابيل = هذاي جيتك .. والمواجع خلافي[/poem]


..

http://www.m-roq.com/