ياقاطف الورد مالـت فـي يديـك الـورود
مـدري تمايـل طـرب ولا تمايـل قـهـر
غطّى على ورودك الحمرا حَمَـار الخـدود
وحسنك على ورودك اللي في يدينك ظهـر
مايشبهـك لا تبـدّى لـي جبينـك ياكـود
شمـسٍ مطلّـه علـى جنـة نعيـم ونهـر
الـد فيـك النظـر وارد شوفـي واعـود
وفي كـل مـرّه تزيـن بعينـي وتزدهـر
لبّـى محيّـاك ياللـي كـل ماهـبّ نــود
يميـل عـودك واذوب بميلتـه وانصهـر
ياللي زرعت الصخب في داخلـي والركـود
كم لي وانا انهر خفوقـي عنّـك ماينتهـر
تعال واللي مضـى مـن عمرنـا مايعـود
كم فات من يوم فـ/ غيابك / وعام / وشهر
تعـال جـدد مواثيـق الهـوى والعـهـود
ونستدرك اللي مضى ونشبّ شمع السهـر
تعـال واوعـدك وعـدٍ مايبيلـه شـهـود
حرٍ ووعـدي عليّـه ديـن سـر وجهـر
اسكّنـك خافـقٍ عطفـه بلـيـا حــدود
واحصّنِك قد مااقدر عـن صـدوف الدهـر
وش فايدة عمرنـا لا راح هجْـر وصـدود
لولا العطا من يد الساقـي يمـوت الزهـر
اللـــــــــه
منغومة متكاملة .. صعب اختار منها بيت .. وكل بيت احلى من الثاني
ابدعت يافالح ..
وهذي عادتك
صح لسانك ملايين
تقديري ومتابعتي الأبدية .
|