|
لا جناح ولا مضيفه
[align=center]السلام عليكم ورحمة الله وبركاته
من الارشيف
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
راكب الي لا جناح ولا مضيفه = توّ طلّع من حفيز البهبهاني
وارد التسعين وحموله خفيفه= سايقه لو ساق غيره مايداني
مايبيله لامعاش ولا وظيفه= مايحسب للشهر قاصي وداني
عايشٍ مرتاح والدنيا مخيفه= وان بغيته في لزومي ماعصاني
ياصل الي مكرمٍ جاره وضيفه = وان نصيته من طويلين اليماني
العزايم والكرم والطيب .. كيفه = والدلال مبهره بالزعفراني
ثم قله هم ابو تركي وليفه = الوليف الي موالفني لفاني
يوم جاني في حلاة النوم طيفه = اتلمس من مكاني في مكاني
الحلوم الي تجيبه تستضيفه = تشغل المشتاق في حلو المعاني
وين ابلقا مثل حلياه ووصيفه = يوم حظي في هوى بالي رماني
مالكٍ قلبي وانا عيني كفيفه = عن هوا غيره وماجاني كفاني
لو حكم لي نور عيني بالنصيفه = قابلٍ حكمه .. وتصريف الزماني
وان تركنا في معاركنا العنيفه = حالفٍ مـ انساه لو انه نساني[/poem]
وسلمتو ,,[/align]
يازين حبك برى حالي = تشهد على حبك جروحي
دايم خيالك على بالي = عقلي معك وين ماروحي
في كل زولٍ تورالي = انته غرامي مصلوحي
افرح ليا شفتك قبالي = واضحك وانا منك مجروحي
حلفت بالواحد العالي = مانساك انا يابعد روحي
وشلون ابنساك يالغالي = لايابعد كل مملوحي
ودي معك دايم لحالي = ضحك وسواليف ومزوحي
والزين يشرى بالاموالي = موتٍ له الدرب مفتوحي
ياراس مالي وغربالي = تخطي وانا اقول مسموحي
|