مع وافر التحية والتقدير لكل من سيمر من هنا !

( عاهدت نفسي ما أمدح إلا من يليق به المديح
.................. وإني ما أقول الكلمة اللي واقعي ما قالها )

( العقل يدرك والعيون تشوف ولساني فصيح
................. ومانيب أعد الحجة إلا والسند يبرالـــهـا )

-
-
-

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا خسر بيرق وخمسة ملايين = مسكين ماله حظ وإلا غشيمي !

طلع من أولها بليَّا براهين = وتقاسموها الأردني ، والنعيمي

قلت أنتم الغشم ، الضعوف ، المساكين = تفكيركم محدود وإلا سقيمي

أنا كسبت قلوب ناس ومحبين = وعلى القراح العذب ورَّدت هيمي

وصرت ( القضية ) في جميع الدواوين = وبلل يباس الألسنة دمع ديمي

وأقفيت ، لكن مقبل لفالي الزين = مهزوم لكن منتصر لي ( هَـزيمي )

اسمي شعار لثورة ( الجيم والسين ) = وأنا مريَّح بال ( سيني وجيمي )

أمشي ( ملك ) متجـه ٍ لحلم بعدين = لساني حصاني / وعقلي خصيمي

يضحك لي الماضي وتدمع له العين = وأقوم أغني له ( قديمي نديمي )

ويحضرني الحاضر ، ليا قالوا الحين = ويهب من كل الأماكن نسيمي

ومن ما حصل لي ما عقدت الحجاجين = لنِّي معلم شعر ، ماني عليمي

اسمي هو اسمي ، والأسامي عناوين = ويا كثر حسادي ، ويا بعد تيمي

ندمان ! ليش أندم وأنا قاب قوسين = من عرش حلمٍ فيه مازلت أهيمي

يكفيني إني جيت وأبديت ثـــنــتين = حضورٍ يشرَّف ، وشعرٍ عظيمي

وكسبت معرفة الرجال الوفيِّين = وصاروا جديدي ، واستثاروا قديمي

منهم : ( محمد بن خلف ) موفي الدين = نوم العيون اللي سهرها مقيمي

نهر الكرم / بدر الوفا / منهل اللين = الشامخ ، الشهم ، البشوش ، الحكيمي

في مجلسه تلقى الرجال الميامين = هذا زميل ، وذا صديق ٍ حميمي

من كل وجهه وجَّهوا له ملبِّين = دعوة وفاه الدايم / المستديمي

قالوا : تميمي ! ، قلت والله ونعمين = أنا أشهد إن مابه تميمي/ ذميمي

وإن كان تبغى لك خوي ٍ على الدين = شوري عليك إنك تخاوي تميمي[/poem]




وسوالكم