[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماعندك علاج يادكتـور الامراضـي=واظـن طبـك علاجـي ماتـوصلله
من غير منشود هذى بعض الاعراضي=الهـم والغـم والـخـذلان والـذلـه
العين تبكـي قهـر والقلـب مغتاضي=يامـل عيـن بكـت والقلـب ياملـه
اطراف جسمي تجمعها على الفاضـي=ماعـاد تقـدر تعقـد الحبـل وتحلـه
ينزف وريدي وحيلة عيني أغماضـي=اليد قصيـرة جـدى والرجـل منشلـه
بعضي مشرد وبعضي تحت الانقاضي=والمح بصيص الامـل والمشتكـى لله
والاالحقيقة ماني عن حالتـي راضـي=النفـس مستعمـرة والكبـد محتـلـه
امجادي وعزتي في صيغة الماضـي=اصبح خبر (كان)مضمون الخبر كلـه
اطرح قضية ولايحكـم بهـا قاضـي=مصيرها الرف حيـن تغـادر السلـه
له حل مشروط ماني عنـه معتاضـي=متى تحقق اشروطه في رجـاء حلـه
لابيض الديك عمر الديـك ماباضـي=وشلون ابي عز والقاضي مـن الشلـه
اقرب مثل للقضية حمـل واجهاضـي=مدري متى حملها يأتـي علـى حلـه
لواني اروي بدلوي مايبـس حاضـي=ماجف حاضي ظمى والارض مبتلـه
بأرضي رحيقي يقل وتكثر احماضـي=يوم انـي ازرع غيـري يحصدالغلـه
مليت شعروخطب ودروس وعاضـي=لاشـك زاد الكـلام وزادت العـلـه
ووصفة طبيبي عبارة (خلك رياضي)=هذا افضل الطـب واخـرماتوصلـه[/poem]