[align=center]بسم الله الرحمن الرحيم

قصيده أرجوا أن تنال اعجابكم

[poem=font="Arial,6,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
العمر ساعة و الليالي تجاريب=ركضت قدم ما بين ميلٍ و عدلي
يدري بها اللي مكتسي راسه الشيب=يوم الليالي تجدل الهم جدلي
و أنا من الدنيا لقيت التعاجيب=أيامها طول العمر تجتهد لي
يومٍ معي يشرق مع الشمس و يغيب=و يومٍ رحل عني و يومٍ قعد لي
ثلاثة أيام شكى همها الذيب=صارعتها و الصبر ما ينجحد لي
و سجيت معها بالقدم ما اعلم الغيب=و لا أدري عن اللي عندها ينوجد لي
ظنيت فيها صافيه بالمشاريب=و قلت الفرح في قربها و السعد لي
لا شك أثرها تخلف الظن و يخيب=و الظن فيها ما زرع لي حصد لي
و رجعت منها بالجروح المعاطيب=و صمدت للوقت الشديد و صمد لي
أنادي الماضي و لا جالي امجيب=يا وقتي اللي رحت و اقفيت عد لي
هذا زمانٍ عذب الحال تعذيب=يفتل لي احبال الشقا و يعقد لي
فيه الأوادم بين غلطان و مصيب=كلٍ بدلوه تالي الوقت يدلي
و اللي عرفته من قرابه و اصاحيب=أحدٍ فهم شكواي و أحدٍ حقد لي
و أنا تراني ما تركت المواجيب=قبل يجي فالناس من ينتقد لي
اتعب ورى النوماس و أبعد عن العيب= و أجنب دروبٍ تجيب النقد لي
بعدي عن المنقود عز و مكاسيب=ما همني ضحكة حسودٍ حسد لي
أما شهد لي واحدٍ من هل الطيب =و ألا الردي ما همني لو شهد لي [/poem]

عيد بن جابر الجعيد
أبو مشعل[/align]