تركي محمد
يامررررحبا يامرررحبا
شاعر مبدع ولك نهج وأسلوب مختلف عن غيرك ويشهد الله انك مبدع
القصيده من الى كاااايفه
الهواء هب وغذى خاطـري نـوده
كل ما ذعذع نسيمه علـى حلـه
داعب شعوري يالين أنثنى عـوده
والمشاعر عايشه في طرف ظلـه
ما أغبط البستنان لا فاحت أوروده
الحجـاب المنعقـد خاطـري فلـه
ياقنـاد الـراس والكبـد ملهـوده
يحفظ الله نون عيني عـن الخلـه
كيف اب أغني والأعصاب مشدوده
صب لـي فنجـال يامبهـر الدلـه
العنـب ياماحـلا نظـم عنقـوده
من يذوقه ما نشد عنـه عبـدالله
والضمير الحـي لا وثـق ابنـوده
مايصيبه شـك مـا تلحقـه زلـه
من قوى عظمه ليا أشتدت اعضوده
الصبـر لنفـس مـردوده اجبلـه
والسحاب اللي سبق برقه أرعـوده
شوف كيف أمطر على ديار محتله
كان عقلي رد قلبي عـن احـدوده
قلت عنده حـق (وايـبالله ايـبالله)
ليه يدفعني ورى دروب مسـدوده
لو قدم ساقـي علـى دربٍ أدلـه
مايضيق الصدر والأرض ممـدوده
وكل شيٍ بأمر ربـي ولـه حلـه
هيه يالي ضاع ظنـك ومقصـوده
ما تعيش بخير وانته معـك علـه
أن بقالك عمـر وأيـام معـدوده
حاول تراجع حسابك وتفطـن لـه
السنين العوج ماهيـب محسـوده
مير سلم لي على اللي بقاء كلـه
تقبّل متابعتي وأعجاابي
صح الله لسانك مدد بلا عدد
اخوك
|