السلام عليكم ورحمة الله وبركاته


[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا داريٍ بعض الدعاوي من الضيعات = تضيع المصافيط ويضيع التعب كلّه

مثل ماحصل والتجربة للرجال اثبات = تجاريب والدنيا تعلّم عباد الله

دروس وعبر واحداث من وقتنا اللي فات = وفيها من اللي ينفع الرجل ويدله

عليها من شهود العرب شاهدٍ مامات = صبيٍ ولكن شاب راسه قبل حله

تهقويت والهقوات راحت شوي وجات = وذي زلةٍ من واجدٍ يرفض الزله

مايمديك ياراعي السواليف والهومات = ولايمدي الماء ياصل الحلق ويبله

هلا مرحبا واقلط هنا وابرك الحزات = ماتغني من الواجب ولاتستر الخله

مايسترك ياوجه البنادم جفا واسكات = وش اردى من اللي لاعوايد ولا مله

ابوياااه يارمز الفخر كاسب الطولات = حماياه حيّه والسطر طبع وجبلّه

انا لاذكرت اللي جنوبيّ اباالحيّات = نسيت الشمال وراعي القصر والحله

الا يا وجودي وجد من جاذب الونّات = على طيّبٍ طوقٍ على الطيب واحثله

يفك الرقاب ويهدي امن اطيب النوقات = عزوم ٍ جزومٍ يفتل الحبل ويحله

طلع بالمجاهيم وطلع باالعمانيّات = مطاليع حرٍ وإن برك للحمل شله

يمثل بني هاجر إلى كَبرت القالات = وحنا على مثله نوصي ونرسلّه

من اقصا قطر حتى شمال الحماطيّات = إلى الروضتين وراية العز منتله

الْه رايةٍ ماهي مثل باقي الرايات = يطيح العقال وترجع الروس منصله

مَن اللي سواته في زمان انحطاط الذاث = يذري ذراه ويستظلون من ظله

ابو زايدٍ له وقفةٍ غير وانجازااااات = نعم غيررر مثل ابو خليفة وعبدالله[/poem]



هادي بن سعيد الفلحة الهاجري