[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غن يابندر وجاوبني علـى صـوت الربابـه=وأطرق ألالحان وأشرح قصتي حتى النهايـه
أطرب المجروح يمكنك تخفـف مـن عذابـه=وأنت لك في سكة الاحباب يالصاحب حكايـه
قصتي صعبه يابو سلطان وأقـرب للغرابـه=واقعيـه ماكتبناهاعلـى شــان الـروايـه
كل ماقلنا نشوف الشمس غطتهـا سحابـه=وأن شربت الماء وانا ضميان زود لي ضمايه
حركت بنات فكري غربـة القلـب وعذابـه=يـوم شـاف اللـي تثنا ويتمخطرباالعبايـه
أبيض أدعج في بداية زهرة العمـر وشبابـه=صاغها ربٍ جعلها في عيـون النـاس آيـه
وقفت خطوات رجلي غمزتـن فيهـا دُعابـه=وابتسمت وقلت في نفسي هلا 0 جاني هنايـه
اقتربت ومادريـت الآ يـدي تلمـس نقابـه=وانتبهت وقلت وشبي كيف خانتنـي قوآيـه
ابتسملي ثم سلهم الله اكبـر فـي انسيابـه=قالت أشبك قلت مدري يعلـم الله وش بلايـه
الوكاد اني صحيـت وزاد قلبـي في أضطرابـه=قالت أحذر شوف أخوي اللي يطالع من ورايه
قلت والله لو أخوك اللي وراك مـن النيابـه=ماتحرك بس قوليلـي مـن أي بـلاد جايـه
قالت أنسى واعتبرني في نظر عينك سرابـه=لو بنظراتك تهز الشوق في داخـل حشايـه
ياغريبه ياصـلاح القلـب مـدري ياخرابـه=قلته ألها واستدارت كـل هـذا مـن غبايـه
أبدويٍ ماتمرس في قوانين الخطابه=حول ذوده ماتولع بالكتابه والقرايه
لو نخيت الشعر في وصفه وفي حضرة جنابه=والله انه مايقـول الشعـر لشاعـر كفايـه
صارت الدنيا بعد فرقاه فـي عينـي ضبابـه=ياضبابة قلبـي الملهـوف ياعالـم سمايـه
ركبت الفكسار واقفت وأنتهت مع صك بابـه=قصة اللـي ذاب قلبـه فالبدايـه والنهايـه [/poem]