|
كوني صديقه .. خلي الحب بعدين !
[align=center]
مستغربة ! أدري , واشوفك تحرين
كلمة وله تطلق لــ عقلي جنوني
الحب .. عمره ما تكوّن فــ يومين
على الأقل ابدي وداوي طعوني
وانا اوعدك لا جا ذكر للمحبين
ما ينطقون اسمك قبل ينطقوني !
نصبح حكاية عشق واحساس قلبين
أكون كونك أو تكونين كوني
لا تستفزين الأحاسيس هالحين
أخاف ما تمطر على ارضك مزوني
كوني صديقه .. خلي الحب بعدين
لو المشاعر عن دفاك سألوني
أخاف بكره عن حياتي تغيبين
دايم .. إذا حبيت ناس تركوني
وما دام ودك وبصراحة تعرفين
باقولها لك وافهميها بدوني
في ذمتي لو في عيوني تمرين
ليبللك دمع الحنين فـــ عيوني
جيتي .. و لا ادري كيف جيتي ؟ ومن وين ؟
واطلقتي لــ عقلي بقايا جنوني[/align]
|