|
أغنية ..
[align=center]
وياخذني حديثك للبعيد , الأصدق , الأقرب
واحس ان الزمان يعيد نفسه , أو يكررني !
قبل ما ارتاح بك , مرتاح لك قلبي , وجات اغلب
ظنوني :كن قلبي ضاع بك مني , يدورني
أحس اني أعرفك قبل اعرفك ! والحنين أغرب
لصوتك وابتساماتك وصفوٍ ما يكدرني
كأنك أغنية مرت علي ولــ لحنها أطرب
أو انك حلم شفته قبل هــ الليلة ( يعبرّني )
أنا مدري ! ولكني لقيت بقلبك المهرب
عن اللي عشت فيه سنين من قبلك يكبرّني
من ايام الدفا جيتي .. مطر عمري , قبل تشحب
تفاصيل الحياة بغلطةٍ تعجز تبررني
وش الأصعب من اسهل كلمةٍ إحساسها الأصعب ؟
نسيت اقولها , من فضل قلبك لو يذكرني !
أحبك !! إيه أنا لك قلتها .. بس الزمن يلعب
علينا ! , يا هو يعيدك ! أو انه بك يكررني !![/align]
|