السلام عليكم ورحمة الله وبركاته


مشاركه للمشاركه في هالقسم الغالي





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الليل ماهو ليل يا الطرف الكحيل=الليل صبحك ضيعه بين العبي
جيت تعدي به لا قصير ولا طويل=مع كل خطوه من عيوني وش تبي ؟
كل الزوايا تنطلق من مستحيل=وكل المرايا تعكس شعور السبي
مالك مع جنسك وسط انسك مثيل=تعدي بك الفتنه وتبرك وتحبي
من وين ما لديت تلقى لك خليل=طبع القلوب يضفها الحسن الابي
وش فاكهه وش سكري وش سلسبيل=هذا هوى بالي وهذا مطلبي
وقفت حيا لفتت أمل وآخر حصيل=جمعتها عين الوحش عنق الظبي
حاول تميل وشوف انا وشلون اميل=وأميّل عقالي ودقني وشنبي
انا الكريم وما علي من البخيل=لاهو ولد عمي ولاهو ولد ابي
ياحي شفني حي في ثوب القتيل=يا حي يا حي الحجاج العقربي
تجود بصوتي تحت ريح الرحيل=وأحزن وسلم دمع عينك منكبي
خل الحزن عطره على ثوبي يسيل=وأسيّل أنفاسي على نار حطبي
زفره بأثر زفره يا نقّاض الجديل=وش هالوقوف الصعب يا دين النبي
ماهي قبايل او حكي من هالقبيل=الحب ما يعرف قبيلي واجنبي
لكنها على الزمن صبراً جميل=يالين ما ربي يحقق ما نبي ![/poem]




وسلامتكـ/م