محمد البيضاني

اخي بدر العجمي

موضوع جميل، ويضل بيت الشعر ثابت بوجه عوامل التغيير، وما أجمل ان نقرأ هذه القصيدة (المحاورة) بين بيت الشعر القديم والجديد، وهي للشاعر فهد بن هجاج الحربي:


بيت الشعر دارت عليه المقادير= نوعين كل قام يشكي خويه

يقول الأول منزلي بالعثامير= منازلي ماهي عليكم خفيه

تشوف زولي من بعيد المسايير= ويفرح بشوفي قلب راع المطيه

ملفاليامرو عسوس ومداوير= واللي حداه الجوع يلفي عليه

وأنته جديد ولحمولك مواصير= لحيث ماجالك عزومٍ قويه

وسط الفلل ماشيدتك الغنادير= يبنيك هنديٍ عضوده رديه

محبوس حتى لوحصل فيك تطوير= وأنا أتنقل بالفياض العذيه

تجهل بحالات السلف والمظاهير= واليوم أنا سجلت ضدك قضيه

قال الجديد الله يمسيك بالخير= تراى أنا أفضل منك ميه بميه

أنته مضى لك دور مافيك تقصير= مشاكلك تزود عني شويه

تخاف لاهبت عليك المعاصير= القايله تذوق فيها المنيه

إن ذعذعت تكفخ كما يكفخ الطير= ويلك ليا هلت عليك برديه

وأنا مكاني بين فله وتسوير= ماشيدوني بالديار الخليه

مرتاح لي عند أكثر الناس تقدير= وحطوا لي مكيف يبرد عليّه

ومفروش في زلٍ سواة النواوير= والحمدللمولى حياتي هنيه

يوم إن كلٍ جاب وضعه بتعبير= تسامحوا والكل صافح خويه