يا صاحبي جيت لك وابوْدعك سرّي..
والطيّبـه يشهـد الله فيـك هاقيهـا..
تصدّق اني قبـل عاميـن متبـرّي..
من قلبي اللي طلب منـي تناسيهـا..
يقول لي راح عمرك وانت متحـرّي..
شف غيرها من تبيها ماانت لاقيهـا..
وهذا انـا بالأمـل لازلـت متـذرّي..
شفني ليا صرت وحدي كيف اناجيها..
أقول انا منتظر يـا غايبـه مـرّي..
واقري قصايد من اضميتيه وارويها..
كل يوم ذي حالتي من بحري لبـرّي..
سُفنـي خيـالاتٍ اتـدور موانيهـا..
يا صاحبي شفتني ؟ خذ طالع صورّي..
ملامحي كثر تفكيـري لعـب فيهـا..
نفع الزمن للأسف متساوي بضـرّي..
دامه على مواصلي ماهوب داعيهـا..
خسرت قلبٍ عليهـا كـان متجـرّي..
والعمر ماهو خساره فـي تحريهـا..
الله عليك
ياثاني
حرااام
يُترك
بيت من هذه الفاتنه
صح لسااااانك
ودمت بخير
وفي رعاية الله
******
|