علاقاته كثيره مير مـا جاتـه مـن أمثالـك
تجيه من الوهم وأطول علاقه عمرها ليلـه !
دخلها من طرف واحد وصار الوصل متهالـك
وطلع منها قبل تفشي دموعـه سـرّ منديلـه
وبعد شمسك بدت تكبر عليه ويكبـر ظلالـك
تعدّل حال طقسه من غرامك وأعتـدل ميلـه
بدت تلعب هبوبك وألتـوا عقـدك بسلسالـك
وصار اللي ما بين العقد والسلسال يا ويلـه !
دفع دقّات نبضه كلها وأمسـت علـى جالـك
وجلس مع عزف دقاته يغنـي لـك مواويلـه
رضخ لك لين صرت اللي تجوّل فيـه بلحالـك
لو أنّه من قديم الوقت مـا تشـرب فناجيلـه
ترفّق بـه ولا ترمـي عليـه اللـي يورّالـك
بعيد الشك عن بذرة غـلاه وعـن محاصيلـه
تحكّم به على كيفك بعـد مـا طـاب منزالـك
على عرشه ولا ترضى على الحاكـم بتبديلـه
يحبّك والشعور الحيّ .. يحيى له ويحيى لـك
يعيش الحبّ لو شان الزمـان وقلّـت الحيلـه
كذا والبحث جاري وأنت في حلّـك وترحالـك
تجرّه مع دروبك ليـن ترجـع فـي مداهيلـه
يقولون العرب .. يا حبّ فـال الله ولا فالـك
وأنا أقول الجفا بلوى .. ويا فرقا من أنتي له !
سداح
هذا مشكلته مشكله أن كتب فالسياسه سيس وأن كتب فالتجاره أفقر غيره
وأن كتب فالوصف رسم بحرفنه وأن تغزل ناداه العشق ( أجزل من هذا ياهاذا ) !
ماذا أقول عنك شاعر جزل أعتبرها عاديه في حقك !
أنت بفكرك أصبحت ملهم الشعراء ومدرستهم الجديده يادكتور سداح
فقط لله درك يابن العم
|