توقيع الوجد
من بنت وايل :ـــ
يا وجد شخبـار السعوديـه
أكيـد منتـس نورهـا زاد
الكويت من رحتي مهي هيه
لو يمتلـي فبرايـر أعيـاد
ما عدت للضيقـه شماليـه
كني بـواد وراحتـي بـواد
الصبح ما بانـت مواريـه
وسويت لي من صبري قناد
تنخاني النيـه علـى النيـه
واوقف معاها وقفة احيـاد
إلين ما ريّحت فـي الفيـه
وأصبحت في حلق الخبل زاد
رجال مستقوي على بنيـه
امحق رجوله قومها (عـاد)
حتى ايش بي آمال مبنيـه !
ما عاد بي لو قيل وش عاد؟
خلي بعضهم يحسـن النيـه
وإن عاندوا خذيتهـا اعنـاد
اهـلا هـلا ترحيبتـن حيّـه
يملي فضاهـا طلقـة زنـاد
يابنت جبتيهـا علـى الكيّـه
ماينفعتـس كثـر التنّـهـاد
الحق لـو شلتـي عراويّـه
الله يبيحـه وسـط الالحـاد
اصل الحقيقه منتـس منفيّـه
محتاجتـن لشهـود واسنـاد
شرطه وحارس مع حراميّـه
طاروا بجوتس وسط منطـاد
بعض العلوم تجيتس مخفيّـه
منهو قراهـا جاتـس هـداد
توصلتس مرئيـه وصوتيّـه
تطبيقها من خـارج بـلاد !
بهديتـس اعصابـن حديديّـه
مـن دون ثلاجـه وبــراد!
واطويلتس الي يفترض طيّـه
واقسم لتس من الشرب والزاد
واشوف وضعتس ميه بميّـه
وآطيـر رخـومٍ وحـسـاد
|