[QUOTE=محمد صالح العتيبي;1034378][poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان الشعر في إنتظارك من زمان ومن قديم الأزل=يساير الناس والجلاس ويجامل مقاماتها
سلام ياللي توسع كل بال وكل صدر محفل=وتسر الاعيان يالضيف الشرف وتجمل أوقاتها
مليون شاعر علشانك ويفداك النقض والفتل=وتدوم للقافيه ترعى بيارقها وساحاتها
وانا تراني غوايات وطروب وفحل=وتوحي لي الشارده والوارده عن كل نياتها
اسبح مثل حوت وابري القوس وارع الحمل=حتى يجي كبش ويقول الحسن ف خدور رباتها
وقفني الوقت وأبكاني زماني في مشارف طلل=وابشرك عيني إعتادت على حبسي لعبراتها
واعرف اهرول واعرف اجمح واعرف اهذل=واطير فردٍ لحالي .. لا أخلت الاسراب وكناتها
وأحتاج لي سحر في وصفك وضرب الرمل=وأحتاج الارقام وحدود الوهم وأحتاج لوثاتها
جلالة الأبجديه عاجزٍ سلطانها وانت أجل=من كل الأذكار والافكار يامتيّم بنيّاتها
وإنكان زايد تكرر فيك زايد لايزال ويظل=وحيد الأزمان لوعادت على العربان كرّاتها
من فآخر الجود غيره وأفحمه معه الصخا والبذل=وأنساه ( ماكان بالإمكان ) وانسى ( كان أخواتها )
يالماجد الألمعي مدحك يبيله ملحمات وحيل=وخشية من المؤمنين الصابرين ومن فراساتها
عزيت شآن الشعر وأنزلك شآنه في أعز النزل=وساربك في كل الارض وخلّد إسمك في مفازاتها
تستاهل الصعب منّه والعوالي يالجناب السهل=ياللحية الغانمه ياخشمها الشمّ وشنباتها
انت العرب مودعتك فروعها وجموعها كل أصل=وديوانها وأمنّتك الخيل أعنتّها وصهواتها
ولا يعوّل على اللي في حياته ماعليها معول=ولايلم الجموع من الجهات مفرّق أشتاتها
تجوهرت روح ابوخالد وهي بين الرجا والامل=حتى بنيّاس تبني مجدها في سبع أماراتها
غيثٍ يسح الذهب والدرّ سحّه للبرد والنفل=ويجدد الأرض ورجال الكرم يرفد مرواتها
نصفه شعر وأمنيات وضعف نصفه مكرمات ونبل=وروحه وطن كل شكوى وإستغاثه من رحاباتها
كأن ربي نزع منه التعب لايشتكي والملل=وأعطاه روحٍ تجلاّ في عناها وف كلافاتها
يبلسم آلام ويسد اللزوم وكل نقص وخلل=ولايعتذر عند حاجه في رخا الدنيا وشدّاتها
قبله نحسب التعالي والتجهّم من سمات البطل=وعقبه عرفنا الكرام من التواضع وإبتساماتها
قد حملّه زايد إحلامه وهمّه والأماني طفل=والحلم سلاّه عن طيش الشباب وعن حماقاتها
سفينتك ياخليفه للمواني ماأبحرت ف الضحل=من رفعت إشراعها ياشراعها وأعماق مرساتها
سفينتك راسيه في كل موج وكل خطبٍ جلل=وتواجه الريح والأحداث وتكاسر حساباتها
تقودها جنبك محمد عضيد وفال خير وجبل=في جيوشها طاعة أمرك طال عمرك وف مطاراتها
ويعانق السرب ويقود الكتايب ويتقدم رتل=ويشارك الجند دايم في خنادقها وثكناتها
رجّال دوله ودوله من رجال تجسّدت في رجل=في دولةٍ في خليفه وحدّت بالريح راياتها
تلقاه في كل ميتم وإحتفال وكل ورشة عمل=ويحب يرفع من أقدار الرجال ومعنوياتها
واحة كفوفه وأصابع راحتينه في يدينه نخل=ويمدّها للجميع وتحتها من كل تمراتها
صافي كأنه نبع يجري على شعبه وكنّه عسل=يجري على الناس دايم في ضماها وف مراراتها
له همةٍ لو تدب ف كل حدب وكل عجز وشلل=تعزز الروح لين تقوم وتحيّ شجاعاتها
زاد النظر بعد وآفاق وجعل جلّ إهتمامه لأجل=مستقبل أجيال ربي ماخلق لليوم جدّاتها
من رحمته يتقي من رحمته يآطا بيوت النمل=ويعطف على الظبيه اللي تستجيره في فلواتها
لولاه قاسي من الرحمه فؤاده ذاب حتى ذبل=ولولاه باسم على الشدات مابدد جهاماتها
وجه الهدى والهدايا والبشاير له وهدي السبل=ومايسبق العاصفه ومن الحرار الشقر هدّاتها
لوغاب يخشى العزيز إنه يهون مع الزمان ويذل=وأرقاب الاجواد ماتعتق ولاتصلح خصوماتها
عليه ماتعرض الدنيا ولايعرض عليه الفشل=ورجال الاعمال ماتومي على راسه سفاراتها
ومن الهوى والمحبه ماتجنّى وإستبد وقتل=ولايذبح العاشقين الصادقين ألا صباباتها
يابوظبي لك تحت قلبه غزال ولك عرين ووعل=يرعاك دايم مع عينه معاودها ولفتاتها
هذا والاقمار تكمل ف الليالي والاهلّه تهل=وأعمارها في مصابيح الظلام وفي محاقاتها[/poem]
[size=4]
اجمل ما مر في شاعر المليون منذ بدايته وماسيمر
نايف صقر : الله يحفظك
|