سداح

أخي القدير
الشاعر الكبير / محسن فالح الدوسري

يا مرحبا مليون
والمعذره كنت بعيد عن الجهاز في الفترة الماضيه

والحقيقه إسنادك لي تشريف لأخوك
لأنك شاعر بمعنى الكلمة وأسعد بهذا الاسناد وأفتخر به يعلم الله

قافية الشطر الأول .. أول مره اقرأها فما بالك في محاولة الكتابه عليها

صح لسانك مدد عن كل حرف

وأرجو ان تتقبل هذا الرد المتواضع

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا ناشد عن نزل بدو ٍٍ تشوو =وأنا من اللاهوب معهم تشويت

راحوا فرايق فالشعيب وتزوو=وأمسوا يجرون الحبال المفاليت

محزمين خشومهم ما تهوو =والبر ضاق و خربوه الكواشيت

ضاعت مكانتهم وفيها تبوو=جيل ٍ على ماقبل مثل الطواغيت

لو يتركون بيوتهم يوم ضوو=يفجرون بيوتهم يالدناميت

ضالوا على عد الروا ما تروو=قوم ٍ على درب الزناتي زناتيت

لو تستمع لأفواهم ويش فوو=الهرج فاضي .. والسوالف ثراويت

تشوفهم وأشوفهم عقب دوو=طاح الربيع وغرّدن الكتاكيت

الناس من طعم الحلاوه تحلوو=وأنته وأنا ما بين صبره وحلتيت

العولمه بلوى وفيها تبلوو=و هذا زمان الهفلته والهفاليت

لكنّ يا محسن على ما تهفوو=أخذ الكلام اللي عليه الثوابيت

اللي تفقروا ليتهم ما تغنوو=فاضوا على سوق الذهب بالكباريت

لو تنشد الغاوين كم ناس غوو= شف ناتج التصويت يا ذايع الصيت

الذيب مخمر والحصاني تعوو=والحر بالبرقع على كفّ عفريت

ما عاد لي سلطه على من تسطوو=يا الدوسري ناحيت لين أنّي أزريت !

تغشّهم هقواتهم لا تهقوو=كل ٍ يطفيّ الليت ويولّع الليت

لا شك يغنينا عن اللي تغنوو=مثلك عساك تعيش يا بادع البيت[/poem]


وسلامتك لا عدمتك ،،




...

>> هات و دوك ! <<