[align=center]السلام عليكم ورحمة الله وبركاتة

اعضاء وزوار مرقابنا العزيز هذا قصيده متواضعه

ارجوا ان تحوز على رضاكم[/align]

[poem=font="Simplified Arabic,4,darkblue,bold,italic" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]


ياهــــــاجسي انهض وخط الرساله = واختر بيوتٍ مثــل وبـــــل السحابه
مضمونها معنــى وقـــاف وجــزاله = شعـــرٍ ينومــــــــس في عذوب الكتابه
ياصاحبـــي دنيــــاك ماهـــي سهاله = خلّك فطين وكـلٍ احســب حسابه
خلك عزيز النفــس راع الجمـــاله = ويدك الكريمه مــدها للرحابه
واللي يعز النفــس ياطيب فاله = نفس ٍ يجدها بين عــــز ومهابه
واختر فصيح القول في كــل حــــاله = وعطّر لسانــــك بالصــــــدق والذرابه
جالــــس رزين العقــــــل وافٍ خصاله = يحفظ سلوم الناس حضـرت جنابه
وراع المــراجل لا تدوّر بداله = والذيب مايرضـــى بغير الذيابه
الطيب والاخــلاق هــــي راس ماله = اقولها والنــاس ماهـي تشابه
والحق سيف ٍ من سيــــوف العداله= والسيـــف عــــزّه دايــم ٍ مـــن نصابه
وراع الـردى خلّه وجنب مجاله = مافيه طيب وسيل كـــذبه غدابه
يجيك له وجهين مالــــك وماله= والســــــم دايم منقعه قـــاع نابــه
والناس ماتقبــــل ردي الزماله = في مجلــــس الاخيــــــار محـــدٍ درابه
مـــن يزرع المعــــروف يرتـاح باله = يحصـــد شكر مع طيب يرجي ثوابه
ومن يتبع المنكر يسيــر بظلاله= عند الله الجبـــار يلقى عذابه
ابعـــــــد عن ادروب النكد والرزاله= ودرب السنع ياسِعد من هــــــو مشى به
الصمت حكمه والحدث له مقــاله= مــــع دورة الأيام نقـــرا خطابه
والعقل نعمـــه والتصنّع جهاله= والرجــل يعـــرف زلتــه مــن صوابه
هذي نصيحه جات لــك بالشكاله = حلل حــــــروف الشعر تلقى الاجابه[/poem]

[align=center]محمد مرزوق السميري[/align]

((سبحان الله وبحمده سبحان الله العظيم))