[align=center]

السلام عليكم ورحمة الله وبركاته..

الشامخون في المرقاب

مساكم الله بالخير

تحياتي من الأعماق لكم بحجمكم

ويشرفني الالتقاء بكم من خلال هذا المنتدى الراقي


دمتم بحب[/align]



[align=center]..


..



المهرة..

..[/align]


[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خيالي واعرفه مُسرِف ومُترفْ لمّا يتمنى=يشبك أشيا في أشيا عشان يشكل الصورة
والآقي ما تخـيلته يسلــيني وأتغنى=مدام أشيائي فالواقع كثر ماعشت محظورة
خيالي واجرح الواقع بلعـــناتي وأتهنى=إذا فضفضت لأوراقي وبعضي أعلن حضوره
أحب من البحر عمقه /هدوءه لما يتأنا=جنونه /لمّا يتلاطم عشان يراضي غروره
أحب من السهر لطفه/ وساعة فيني يتجنى=وأحب من الفجر وعده إذا بشرني بطيوره
وأخاف من البـــياض اللي كثر ماعفّ يتعنى=من يدين السواد الحالفة في هتك دستوره
واضيع بكل مايجمح تحت عيني ويتثنى=يفجر كل عرق ٍ بي وأثور وأعشقه ثوره
جموح المهرة الحمراء تثنيها مع المغنى=حرارة دمها لمّا تحس بصـــــدرها فوره
خيالي كان يرسمها ولكن كيف تتسنى=مدام إن القفص ذهني وهي في حكم عصفوره
ولكن آمن الواقع وكان المشهد الأغنى=وعيني عيت تصدق وما تنلام معــــــذوره
كأني صرت أنا الواقع وارفض إني أتبنى=خيال الواقع المسرف بمشهد هذي الصوره
خيالي كان يسجنها ولكن سجنها أضنا=حلاها/ لين جت واقع تغير فكره وطوره
وجت مترامية يمسك بعضها بعض من مثنى=كأن الله يقول أنظر خيالك وأشرب بحوره
بصمت وكلها يحكي وعنها والله ماعنّا=لو تغوص البحر أغطس وأجيب العرق بجذوره
إذا فســــتانها تنوي تشيله عنها يتمنا=يدينٍ فصلت غيره تشل أو تصحى مبتوره
وإذا دولابها جت له أنا وروحي تألمنا=اجل باقي ملابسها وكلٍ ينتظر دوره
ملابسها من اللهفه تصّوت والله اشتقنا=وتسريحتها تتزين لها قاروره قاروره
بعذر عطورها إن قالت بعطر انفاسك آمنّا=ولكن مدي يدينك ولو ماكنتي مجبوره
تطــــالع في مرايتها وتتبسم وتـتــــثـنى=وإذا دارت مرايتها تقول :فلانه مغروره
هنا مربط فرس فكري هنا الموضوع / والإنّا=هنا للهندسه جرأه على الإعجاز مفطوره
أنا وش ذنبي لاصارت عيوني فيني تتجنا=وتتكحل بما شافت وتبقى روحي مقهوره
صحيح إن الخيال ارحم وأقدر فيه أتمنى=لأن الواقع مقدّر وفيه النفس مأموره[/poem]


..
[align=center]وسامحونا على القصور[/align]