،
بعد اخذت الاذن من المبدع / مشعان
مشعان ياخوك تسمحلي = بحط الابيات فالتوقيع !!
العيشه بلياك ماهي بـ( عيشه )
لو قلت انا في خير وسهود ومهود
اليأس طوّقني بـ( خيله وجيشه )
وانا برجليني عن آمالي قيود
صوت الهوى اسمع عند بابي وشيشه
كنت احسب انك جيت يا اعز مفقود
وآثر من يجاري جنونه وطيشه
ترسم له ظروفه على الواقع حدود
قلبي موفر لك ظروف المعيشه
ارتاح فيه عقود وعقود وعقود
وشعري على راسه من العام ريشه
يوم اني اكتب فيك يالين العود
واليوم قيفانه مثل نخل بيشه
ماتت ويرعاها بعد هجرك الدود
اما افتح لـنور المواصل دريشه
واستنشق حضوري ليا ذعذع النود
والا ترا كل الليالي وحيشه
وايامها فيها من عيونك السود
اعلمّك وش اصعب احساس اعيشه
اني احس بغيبتك وانت موجود
من مربع توقيع الاخ العزيز / محمد بن رشيد .!
|