:

:

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العام اقول الهوى والشوق ملح الحياه = وان مرني ناصحٍ لي قلت ياقلعته
القلب ذيب المشاعر .. والقصايد عواه = والحزن جوعه .. وقطعان الفرح طمعته
والوقت لابارك الله فيه .. راع الشياه = صاحي ومحرم هذاك الذيب من شبعته
الين ذقت السعاده في فروض الصلاه = وآمنت بان المصلي تسعده دمعته
وان الهوى ذنب والشيطان يحرص علاه = ويمرره للخلايق عن طرق مُتعته
مثله مثل كل ذنبٍ نعترف في خطاه = نستغفر الله منَه ونعوّد لجَرعته
مسكين الانسان متشتت بكل اتجاه = تجاذبته احتياجاته على صفعته
مابين نفسه وشيطانه ورغبة هواه = لازم يخالف - رغم ضغط الزمن - نزعته
الأرض حلوه بعينه والرجا في سماه = في وقت يرعى الفساد وتتسع رقعته
وده يزوّد رصيده قبل يوم الوفاه = والشر يلعب بقلبه والأمل ينعته
والآدمي مااهتدى لن كان مالله هداه = يزرع وتبقى على رب البشر زرعته
واللي يبا للسعاده طعم زايد حلاه = يخرّ ساجد لمعبوده على سبعته[/poem]

:

: