يا الدوسري يوم غنيـت الطواريـق
يا مرحبـا كيـف حالـك والمعونـه
بلّيت حلـق ٍ منـول يابـس الريـق
بعذب ٍ ما كـل الضوامـي ياردونـه
عساهـم فـداك شعـار اللصاميـق
اللـي مغيـر القصيـد يلصمقـونـه
أسمع ولا أجمع سوالف خيق ٍ وبيـق
علـى ماقيـل مْخبـوزه ومْعجونـه
و تجويدة الطـارة وفـر التعاشيـق
فـنٍ مـا كـل الخلايـق يتقنـونـه
أما أنت صادق ولا تحتـاج تصديـق
اخترت ما احترت من صنف ونمونه
ما مع عربنـا صكـوك ولا مواثيـق
إلا ( الحكي ) كـل يـوم يرددونـه
أمـا تجيهـم كـذا حـظ وتوافـيـق
والا فـلا عندهـم مــا يقـدرونـه
تزندقوا كلهـم فـي صـف زنديـق
وتعولمـوا بالـذي مــا يعلمـونـه
يبغـون فالجنـه أكـوابٍ وأباريـق
مـن غيـر فعـل جميـلٍ يقدّمونـه
لو كل من سمّـي ابوبكـر صدّيـق
القـدس يمديـه قـد خلّـص ديونـه
فاللحيه اللي على ضحـك وتعاليـق
ماترفع الـروس بالمـوس محسونـه
ووجه ٍلـولا مـا تزيّنـه المساحيـق
ماهوب زيـن ٍ , عساهـم يسحقونـه
( يبقى رجا الناس في رب المخاليـق
هو خالق الكـون ومدبّـر شوؤنـه )
وأعود للدوسري وأسوق مـا سيـق
ويسمح لي أبتصـرف فـي لحونـه
( أخاف لا أنسى طويق ويزعل طويق
و طويق كـل النشامـى يذكرونـه )






الله الله الله الله الله الله

الاستاذ المسري
والله انك شاعر كبير غصب على خشم الشعر
ووالله انك حسستني ان قصيدتي صفر على الشمال
ووالله انك شرفتني بمجاراتك
ولله درررررك وصح لسااانك