[align=center]السلام عليكم ورحمة الله وبركاته


للتواصل [/align]



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
رحمك اللــًه يااللي جابك الطاري وجيت امجيب = معاي العبره اللي كنّها من ذكرك اوداعه
يسيّلها مقامك يا مقامٍ سيرته ما هيب = تعرّضها الهبوب رياحها وتقاد منصاعه
بعد خمسين عامٍ للمكارم مجتهد ومصيب = خذا ربي الامانه والله اله السمع والطاعه
وذي خامس سنه من ليلة غيابك وذكرك طيب = على ألسنة الرجال وسيرتك للعالم اطماعه
فقدك اللي عرفك ومن سمع بك وافتقدك الشيب = بعد ما زدت من هيبة وقارك مجمل اوضاعه
وبكاك الحزن وعيون المطاليق ورثاك الطيب = ومنصب ما زهاه الا انت في قيضه ومرباعه
مثقف ومتعلّم ولمكانك فالبلد ترتيب = رغم كل الخصل .! روح البداوه فيك طوّاعه
معك تصغر كبار اللي نصاك ويكبر الترحيب = فدى رجليك من كبر المناصب غيّر اطباعه
تبسّامك .! خلاص .. وكلمتك ما تقبل التكذيب = لها بين الرجال شهود قرّايه وسمّاعه
واذا ان المرجله عند الرياجيل اتحضر وتغيب = ما غابت عن حياتك كلبوها لو ربع ساعه
جعلك الله فرج للي همومه ما لها تجنيب = وعلى عينٍ قبل لا تاصلك ضجره ومرتاعه
ولا يلحق فعولك مع جميع الناس شك وريب = يا صبحٍ كل صبح يحن له ويدوّر شعاعه
ولو سمّو عليك الفين اسم ما عاد مثلك صيب = سوى بأمر الكريم اللي معاه الخلق خضّاعه
عسى قبرك عليك اوسع من حدود الفضا والغيب = وعسى نوره مثل شمس الضحى فعلوّه وقاعه
وعسى الله يبعدك عن نار الاخرى بعدك من العيب = ويقرّبك لنعيمه قربك من الطيب والطاعه
ويغفر لك ذنوبك كلها في جهر والا غيب = ومن كثر الفعول الخيّره تلقى لك شفاعه
وانا لا من دعاني ذكرك الطيّب بأجيه مجيب = معاي العبره اللي كنها من ذكرك اوداعه [/poem]



[align=center]
وسلامتكم[/align]