[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
.
عليك حقّـي كـان .. طـوّل تغليّـك=وعليّ حقك كـان .. منتـه بغالـي
لا تختبرني تحسب أنيّ مـا أراعيـك=وأنـا نمـوذج للحبيـب المثـالـي
مبرمـج ٍ قلبـي يحبّـك تماتـيـك=حاسب طبيعي ماهو بحاسـب آلـي
لا ضخّ دمه بيـن ذكـرك وطاريـك=لا عاد تنشـد عقبهـا كيـف حالـي
أروح فـي دوامـة ٍ مـن تجافيـك=وأستحضر اللي حافظه فـي خيالـي
صوتك .. وضحكاتك .. وقسوة تعاليك=همسك .. وحدّة لهجتك .. وإنفعالـي
عينك .. ودمعك يوم تزعل واراضيك=صمتـك وتفكيـرك بسـود الليالـي
غيرتك لـو مافيـه حـي ٍ يحاليـك=حيرتك ما بيـن الجفـا والوصالـي
كم كلمـة ٍ خبيّتهـا عـن محاكيـك=وكم كلمة ٍ في خاطـرك قلتهـا لـي
إليا تركتـك قلـت بانـت مواريـك=وإليا سألتك مـا تجـاوب سوالـي !
أقول وش فيّه .. ولا قلت وش فيـك=ياما وياما .. مـن غرامـك جرالـي
اشياء كثيـره تثبـت انـي مهاويـك=أزريـت أحـلّ معقّـدات الحبـالـي
تغيب مـا علّمتنـي ويـن أراضيـك=والهجر حاظـر والغيـاب ارتجالـي
الشـوق يدفعنـي لحضـرة معاليـك=يا اللي غرامك زاد فـوق إحتمالـي
خف ربـك بقلـب ٍ يحبّـك ويغليـك=ماهو حرام الحبّ .. يا بن الحلالي ! [/poem]
للدكتور / ســـداح
|