مشخص السلمي

[poem=font="Simplified Arabic,4,seagreen,bold,normal" bkcolor="white" bkimage="" border="double,6,white" type=2 line=0 align=center use=ex num="0,black"]
مغاتير الظنون اللي بصدري شدت ومدت=لقت فأطراف قلبي قحويان وشيح وثمامه
عسى مرباع خير وخير يا عينٍ هنا لدت=شرب فنجالها من كحلها حجان ولثامه
تمادت واستثارت واسرعت بالهد ما هدت=تسربل شوفها من قلبها واستطرد هيامه
هذا قلبٍ جديد وجابت عروقه ولا ودت=هلا والله يا عشبٍ نابتٍ في صفة عظامه
هنا هذا وطنك اللي هنا عربان ما شدت=هنا اطلق سراح اللي مضى لك وأهدّم اصنامه
يا والله يا عليك اهتزت الاضلاع وارتدت=عن القلب الحزين دموع عينه واسود ايامه
عسل نحل وتمر نخل وصوره فارعه عدت=على عرش الخفوق اللي وفاءه مصدر الهامه
عتم وخيوط ليلٍ داجيه من يدك انكدت=وطاحت لك نجومٍ طيحت هامه ورى هامه
ياوجد اللي عليك ان غبت ساعه ضحكته شدت=وسولف عن غلاك اللي نسف بعده وقدامه
يا قلبي لو ضلوعي كلها من فوقك انهدت=لا تستغرب سواليف الحزين ولا تبسّامه[/poem]

سبحان الله وبحمده
سبحان الله العظيـم