سلام الله عليكم ,


مواهبيّه متواضعه للتواصل بعد الغياب الاضطراري


تقبلوها ياحبّاني , والعذر مقدماً , .


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
فيك ياليلٍ غشاني خاب ظنّي=احسبنّي فيك داله وامْتهنّي
منْك لله كل ماسجيت ساعه=في ظلامك بالطواري تمتحنّي
تجمع جروحي وتحضنها ضلوعي=والمواجع تحت جنحك تحتضنّي
تنتزع روحي وروحي قبل اجلْها=ماتروح .. وصرت في هالوضع كنّي
واحدٍ في سكرة الموت ايْتذكّر=رحلة ايامٍ قضاها بالتمنّي
ياوجودي وجد من زاد التوجِّد=حاله اللي من تدنّي في تدنّي
ياوجودي يااول سنين المحبّه=ولذّة الشوق وعذابه والتغنّي
بأعذب الحان الغرام..وياوجودي=ياغرامٍ راح بأسباب التجنّي
ياوليفٍ طاب له تجريح روحي=وكل ماحانت له الفرصه طعنّي
كانها بالجرح والتعذيب هانت=العنا رابٍ معي من صغر سنّي
بس علمني بربك كيف ابنسى=واطوي الذكرى وطاريها لأنّي
ماعرفت انساك واتعوّد فراقك=كيف تنساني وتقوى البعد عنّي
من كثِر ماللحزن فيني مساحه=ومن كثِر ماني من الحزن امتعنّي
صرت احس انّي وحزني شي واحد=انتشابه فيّ منْه وفيه منّي
ومن كثر مااشوف زولك في جهاتي=وين مالقّيت طيفك يحتضنّي
صرت اهيم بكل وادي ثمّ اردد=جملةٍ ماهي من ابداعي وفنّي
شوفني ياروح روحي لا ذكرتك=قمت انوح مْن الجروح وقمت اغنّي
[ اعطني حرّيتي , اطلق يديّه ]=ياوليفٍ داخل اوهامي سجنّي
وانت ياليلٍ غشاني منك لله=فيك ياليل المواجع خاب ظنّي
تجمع جروحي وتحضنها ضلوعي=والمواجع تحت جنحك تحتضنّي[/poem]