|
ضريح الذكريات ,,
السلام عليكم
اسعد الله جميع أوقاتكم
ألاعزّاء اعضاء وزوار المرقاب
هذه المتواضعه تطلبكم الرضاء بعد ان تقبلوا عذري في غيابٍ كانت الضروف اسبابه
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ضريح الذكريات ألغى صروح الحاضر المهجور= يزوره كل بادي ليل تفكيري ويدعيله
يجرّ الذاكره حال الغروب ولون موت النور= على ماقد حدث في مثل هذا اليوم والليله
مثل ماتنكس المصغر من المفلا على المقهور= نكس تفكيري الهارب على العام ومداهيله
سراب الماضي أهلك ضامي الوجدان ظلم وجور= تحت سكرة شرود الذهن تسرقني تفاصيله
جذبني والسماء شحّت بماها والصحاري بور= وحوّل بي على المضماه واحرمني دواليله
رماني في سجون البرزخ اللي بين دور ودور= وبار وعطّلت فيه العشار وحالت الحيله
على فعليّة الجرم المصمّم هيكله ديكور= عنزت ومن تعنّز خالي المضمون عزّيله
متى يامرني الله واحتسي للمقبلات سبور= وادوّر في جيابات الليالي حلمٍ اسريله
ابي لي منفذٍ منه اتجاوز وقتي المجدور= يرسيني على مرفى زمانٍ مانكره جيله
ابشمخ للسماء وابني عليّ من الكواكب سور= واجرّ الصوت للكون الفسيح أطول واغنيله
فضى وسق الفضاء والقاع باللي فيه قام يدور= ضفت فوقه عبايات الجهل واطفت قناديله
حسايف ياهمل فيض الشعور وبذله المهدور= نذرته وقف لنجوم السماء مبغى محاصيله
لو المستوعبين ثنين ماحتجت المساء في شور= هجرت الليل واستغنيت عن جوزاه وسهيله
دروب العزله اللي تحتفي بي في فرح وسرور= تحفظ الفكر في عاجيّة الابراج وتشيله
يحفّه من عطور الارض مثل المسك والكافور= وبدرٍ في تمامه والثريّا ترسم إكليله
جواعد راحتي ممسى دماث الحاجر الممطور= وشلخٍ من حفير السمر والكيف ومعاميله
وانا لو ماطلعت من السنين الا بسرج وكور= عزاي ان التجارب عمرها كمّلت يوبيله[/poem]
عرفنا من اللّي كان كيف الحياه تكون=مثل مايعرف مفسّر الحلم تفسيره
من الفكر سلّطنا على المقبلات عيون=وآمنّا بتصريف القدر شرّه وخيره
|