منتديات المرقاب الأدبية - عرض مشاركة واحدة

04-03-2009, 05:51 PM

ابتدي من وين .. يـالحلم الأخير
دون صوت الجرح شرهات وعتاب
غرّني صمتي عن البوح المريـر
عقب راحت كل الامانـي سـراب
ليه اقول ان كان ماصار ويصيـر
وليه اسولف عن غياب ٍ مايهـاب
السـؤال اللـي يأنبـه الضميـر
مابقى له في نظر عينـي جـواب
ماشغف ضوء القمر عين الضرير
ولا ملئ وجه اللقا غيـر الغيـاب
كـنّ الامانـي طيـور ٍ ماتطيـر
سولفت ل.الريح عن بعد السحاب
حبل هقواتي مع ايامـي قصيـر
وبيني وبين اقرب امالـي حجـاب
راح من عمر الهوى شي ٍ كثيـر
ولا بقالي غير تأنيـب الصـواب
البكـا ماكفّـر ذنـوب الصغيـر
والجفا مايِِلبـس جروحـي ثيـاب
كل ماقصرّت ل.خطـاي المسيـر
وكل ماشرّعت ل.النسيـان بـاب
اذكرك قبل اذكر صدوف المصيـر
واذكرك قبل اكشف ضماد العـذاب
كنت غير وكـل خلـق الله غيـر
مير جابك وقتي القاسـي وجـاب
الفقير اللـي معـه قلـب ٍ كبيـر
طاح ظنّـه دون هقواتـه وخـاب
اعذريه ان كان باقي لـه مصيـر
ينتظر ماتِخفي صـدوف الكتـاب
مابقى ل.الحب في صدره ضميـر
ولا بقى ل.الشوق من عينه عتاب

الله
الله
الله

أبدعت يا أبو بندر .. صح لسانك مدد مدد
الله لا يهين فكرك يا شيخ .. تقبل إعجابي اللا محدود

أخوك/محمــــد ال عبـــدان