السلام عليكم ورحمة الله وبركاته
خويطره جالت فالنفس مرروها



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
على الله يا سبّة عنايه توكّلت = توكّل على الله وابتعد لا تعنّا
طريقي وعر ما هوب من قار وأسفلت = على أكتافه اجمال الحموله تثنّا
خطاويك ثقلت وأنت لو كان واصلت = هدمت الجسور اللي عشاني تبنّا
صبرت وبما فيه الكفايه تحمّلت = يالين إني امن الصبر وضعي تدنّا
ضلوعي حراب ومع هبوب الهوى ملت = وقامت تحز القلب منّا ومنّا
من أول ترى من كبر قلبي تهوّلت = وهالحين كبر القرش وابا اتهنّا
أنا مع بنوك أهل الربا ما تعاملت = ريالي مع العشاق يورو وينّا
تجملت .. لا لا ياهوى ما تجمّلت = وأنا ما تسنّا لي معك ما تسنّا
على شف بالي ما تجي .. قول وش قلت ؟ = وأعلمك ياللي تنقل العلم عنّا
على كثر ما قلت أحمد الله ولا زلت = ما قلت : ( أحمد الله جت على ما تمنّا )
تركت التمنّي يا مهنّا و عزّلت = يجي يوم تحتاج المنى يا مهنّا
يتاما همومي في سنعهم تكفّلت = عشان اليتيم اللي لعوقي تبنّا !
من يلومني بالله لو قلت ما طلت ؟ = ومن يلومني بالله فيك اتغنّا ؟
أنا مت في حبّك ؟ .. لا والله تحللت = عسى الله يرحم حيّكم يا وطنّا
بعد شق ناب الوصل ما عاد حوّلت = أجنّب ملزّ افراق يادوب ثنّا
مع أقسى ظروف الوقت يمكن تأقلمت = وأكن بضميري حاجة ٍ ما تكنّا
ولكنّي أدعي كل مـ .أجنبت وأشملت = عسى ( هاشميّتنا ) ما تحكم يمنّا
عن الراحله والدرب لأجلك ترجّلت = تحير اقدمي .. لكنّ يصفي لبنّا
معك دامني للحين ما زد تحرولت = اباقف على حيلي قبل لا أتثنّا
حلال ٍ على نجلك ليا من تكحلت = وحرام ٍ على شيبات دقني تحنّا [/poem]


وسلامتكم

( تــنــاقيــــــــع )







..