علـى الله يـا سبّـة عنايـه توكّـلـت
توكّـل عـلـى الله وابتـعـد لا تعـنّـا
طريقي وعر ما هوب من قـار وأسفلـت
علـى أكتافـه اجمـال الحمولـه تثـنّـا
خطاويك ثقلت وأنت لـو كـان واصلـت
هدمـت الجسـور اللـي عشانـي تبنّـا
صبـرت وبمـا فيـه الكفايـه تحمّـلـت
يالين إنـي امـن الصبـر وضعـي تدنّـا
ضلوعي حراب ومع هبوب الهـوى ملـت
وقامـت تحـز القـلـب مـنّـا ومـنّـا
من أول ترى مـن كبـر قلبـي تهوّلـت
وهالحيـن كبـر القـرش وابـا اتهـنّـا
أنا مع بنـوك أهـل الربـا مـا تعاملـت
ريالـي مـع العشـاق يــورو ويـنّـا
تجملـت .. لا لا ياهـوى مـا تجمّـلـت
وأنا مـا تسنّـا لـي معـك مـا تسنّـا
على شف بالي ما تجي .. قول وش قلت ؟
وأعلمـك ياللـي تنقـل العـلـم عـنّـا
على كثر مـا قلـت أحمـد الله ولا زلـت
ما قلت : ( أحمد الله جت على ما تمنّـا )
تركـت التمنّـي يـا مهنّـا و عـزّلـت
يجـي يـوم تحتـاج المنـى يـا مهنّـا
يتامـا همومـي فـي سنعهـم تكفّـلـت
عشـان اليتيـم اللـي لعوقـي تبـنّـا !
من يلومني بالله لـو قلـت مـا طلـت ؟
ومـن يلومـنـي بالله فـيـك اتغـنّـا ؟
أنا مت فـي حبّـك ؟ .. لا والله تحللـت
عسـى الله يرحـم حيّكـم يــا وطـنّـا
بعد شق ناب الوصـل مـا عـاد حوّلـت
أجنّـب ملـزّ افــراق يــادوب ثـنّـا
مع أقسى ظروف الوقت يمكـن تأقلمـت
وأكـن بضميـري حاجـة ٍ مـا تكـنّـا
ولكنّي أدعي كـل مـ.أجنبـت وأشملـت
عسـى ( هاشميّتنـا ) مـا تحكـم يمنّـا
عن الراحلـه والـدرب لأجلـك ترجّلـت
تحيـر اقدمـي .. لكـنّ يصفـي لبـنّـا
معـك دامنـي للحيـن مـا زد تحرولـت
اباقـف علـى حيلـي قـبـل لا أتثـنّـا
حلال ٍ علـى نجلـك ليـا مـن تكحلـت
وحـرام ٍ علـى شيبـات دقنـي تحـنّـا
المبدع
والمدهش
الشاعر
عاااايض
النفيعي
صح لساااااانكـ
ولا فض
فوووكـ
ولله درّكـ
أسمح لي ان
انقلها
للمفضله
عندي
من شان
استمتع
من بين فتره
وفتره
سلم بناااااانكـ
واعتلى شاااانكـ
دمت بخير
وفي رعاية الله
&&&&&&&&&&&&
|