السلام عليكم ورحمة الله وبركاته

ابيات بسيطه عساها تنال اليسير من استحسانكم ,,

/
\


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
على مواريد الوصل ذودي حيام=تبي الزلال اللي سبا عقلي سبي
جاتك تداحم لونها لون الغـمام=ووسومها من ميسمي ومن حطبي
البـارحه ليلي طواني بالهـيام=ونومي من الصفْرَه تقفّـاه تعبي
تقول ينخل خافقي مثل السهام=ودموع عيني بين جفني وهدبي
ماني تمــام ولاحوالي بالتمام=انسج همومي تحت زفرات لهبي
اجوا ديار العشق كاسيها العسام=لها شهر وشوي دون المطلبي
صبرت عل الصبر يبلغ بي مرام=وجتني ظروفي فوق طاقه منكبي
ماعاد ابي مشرب ولااذوق الطعام=( همومي اكلي والتوجد مشربي )
من يوم بار اللي يذوب إ/له الكلام=وذياب حزني تدِّرج في مرقـبي
ماهيب عاده عقب تم الود عام=انه يخالف مذهبه عن مذهبي
ولا جا على بالي يسوِّيها مـدام=بذلت له اللي ابي واللي ماابي
واليوم حتى لو ختمها بالسلام=بانت نواياً لونها لون العبي
المشكله ماهيب شرهات وملام=المشكله صوت الفؤاد المُـتعبي
لامن عين الجرح داعبها المنام=يصيح : سواها عريب المنسبي ؟؟[/poem]




.

تعبت
من بعض المشاعر و الاحساس
اوقات رايق
لكن
اوقات ضايق
ياليت لي قلبٍ مثل بعض هالناس
حزنه
على بعض السوالف
دقايق