وابو ثامر من اسمه له نصيب وكل ابوه ثمـار
كأول رايد يـزور الفضـا ويـرزّ الاوزانـي
نداوي ثبت اركان النـداوي والنـداوي سـار
على نهـج التميـز والتميـز ميـزة البانـي
جمع فيه الرجال اهل الوفا من غالب الاقطـار
من اطراف الخليج وكـل قحطانـي وعدنانـي
مغنٍ للأدب من تسعة اعـوامٍ مضـت مابـار
تراث جدود وعدود وجهـودٍ تحيـي الفانـي
سمعنا بالخبر مثلك ولا نـدري عـن الاقـدار
ومرينـا وشفنـا جثـة الميـت بالاكفـانـي
ياكبر الفاجعه والصبر طيب والحيـاه اعمـار
لو ان المنتدى خارج حدود العمـر الانسانـي
لذلك فالأمـل لازال حـي بمنتهـى الاصـرار
وانا علقت من باب العتب لاهل الخطـا عانـي
طلبتك ياالسحيمي دق خشم احساسـك المكـار
ورد النور لعيون الضرير لشـوف الاوطانـي
اقوله وانت تعـرف قيمـة البحريـن للبحـار
ولا كـل البحـور بجوفهـا لولـو ومرجانـي
واقوله والنداوي منتدايه يـوم جيـت الكـار
كتبت اول شعورٍ فيـه خـلا النـاس تقرانـي
وامره كل فتـرة زايـرٍ مـن جملـة الخطـار
وانا المرقاب آت دُت كوم فيه اسمي وعنواني
شاعرنا الكبير والقدير / فيصل السواط ,
جاريت شاعرنا الكبير سداح بأقتدار وليس بغريب عليك
ومنتديات النداوي الادبيه متمثله في الاستاذ / حمد السحيمي تستحق كل التقدير
صرح كبير وخدم الشعر والشعراء ومنبر اعلامي مهم , نتمنى له الاستمرار
صح لسانك يابو ريما وكل الشكر لك
|