فراج القرقاح

:


على مواريد الوصل ذودي حيـام
تبي الزلال اللي سبا عقلي سبـي
جاتك تداحم لونها لـون الغمـام
ووسومها من ميسمي ومن حطبي
البارحه ليلـي طوانـي بالهيـام
ونومي من الصفْرَه تقفّـاه تعبـي
تقول ينخل خافقي مثـل السهـام
ودموع عيني بين جفني وهدبـي
ماني تمـام ولاحوالـي بالتمـام
انسج همومي تحت زفرات لهبـي
اجوا ديار العشق كاسيها العسـام
لها شهر وشـوي دون المطلبـي
صبرت عل الصبر يبلغ بي مـرام
وجتني ظروفي فوق طاقه منكبـي
ماعاد ابي مشرب ولااذوق الطعام
( همومي اكلي والتوجد مشربي )
من يوم بار اللي يذوب إ/له الكلام
وذياب حزني تدِّرج فـي مرقبـي
ماهيب عاده عقب تم الـود عـام
انه يخالف مذهبه عـن مذهبـي
ولا جا على بالي يسوِّيهـا مـدام
بذلت له اللي ابي واللـي ماابـي
واليوم حتى لو ختمهـا بالسـلام
بانت نواياً لونهـا لـون العبـي
المشكله ماهيب شرهات ومـلام
المشكله صوت الفـؤاد المُتعبـي
لامن عين الجرح داعبها المنـام
يصيح : سواها عريب المنسبي ؟؟





الله الله الله الله


ياسلام عليك يا ياسر .!
صح الله لسانك مليوون
اعجابي ومتابعتي ومحبتي

تقبل مروري
اخوك